Համաճարակը, Ռուսաստանն ու ներքին տուրիզմը

Ռուսաստանի առողջարաններում հանգստի արժեքը կարող է աճել 30%-ով, իսկ երկրի տուրիզմը կվերականգնվի 2022 թվականից ոչ շուտ: «Известия»-ի հետ զրույցում նման կանխատեսումներ է արել Ռուսաստանի Տուրօպերատորների ասոցիացիայի (ATOR) փոխնախագահ Ալեքսանդր Կուրնոսովը՝ մեկնաբանելով Միխայիլ Միշուստինի՝ փոխվարչապետների հետ հանդիպման արդյունքները:

Չնայած COVID-19-ի հասցրած վնասին՝ Ռուսաստանի վարչապետը զբոսաշրջությունը անվանել է տնտեսության ամենահեռանկարային ոլորտներից մեկը: Ըստ նրա՝ ոլորտի հիմնական խնդիրներն առողջարանային ենթակառուցվածքների որակն ու ծառայությունների մրցակցային գներն են:

Համաճարակը լուրջ վնաս է հասցրել զբոսաշրջությանը: Մի քանի ամիս շարունակ այս հատվածում շրջանառության անկումը տատանվում էր 95-ից մինչև 100%: Ըստ Զբոսաշրջության դաշնային գործակալության՝ կորուստը կազմում է 1,5 տրիլիոն ռուբլի: Ընդհանուր առմամբ, ավելի քան 7 միլիոն մարդ կանգնած է աշխատանքը կորցնելու ռիսկի առջև: Աղետը կանխելու համար տնտեսության վերականգնման ազգային ծրագրում ներառված են մի շարք միջոցառումներ: Դրանց թվում կան արտոնյալ պայմաններ տուրիստական ընկերություններին նախկինում տրված վարկերի մարման, ներքին և արտաքին տուրօպերատորների համար պետական աջակցության ընդլայնման տեսքով, պարզաբանել է Միխայիլ Միշուստինը: Ըստ նրա՝ շատ ռուսներ ցանկանում են ճանապարհորդել երկրի ներսում:

• Պատրաստվում ենք հանգստի սեզոնի աստիճանական բացմանը: Հունիսի 1-ից առողջարանները, որոնք ունեն բժշկական արտոնագիր, արդեն վերսկսել են աշխատանքը շատ մարզերում, — ասել է վարչապետը:

Փոխվարչապետ Դմիտրի Չերնիշենկոն վարչապետին զեկուցել է, որ արդեն մշակվել են մի շարք առաջնահերթ միջոցառումներ՝ սեզոնն արագ սկսելու և ոլորտին հետագայում աջակցություն ցուցաբերելու համար: Նա հավաստիացրել է, որ ավելի քան 40 մարզում տիրող իրավիճակը համապատասխանում է հյուրանոցները բացելու պայմաններին, իսկ 25 հյուրանոցային սուբյեկտներում պատրաստվում են տեղի զբոսաշրջիկներին ընդունել: Հունիսի 15-ին ոլորտի պատասխանատուները համապատասխան գերատեսչությունների հետ միասին կպատրաստեն մարզերում զբոսաշրջության սեզոնի բացման ծրագրերը, ավելացրել է Դմիտրի Չերնիշենկոն:

• Եթե Ռուսաստանի Դաշնության արտաքին սահմանների վերաբերյալ առկա սահմանափակումները պահպանվեն, ապա ներքին երթուղիներում գները կարող են բարձրանալ, — հայտարարել է АТОР-ի փոխնախագահ Ալեքսանդր Կուրնոսովը:

Նա նշել է, որ Ռուսաստանի առողջարաններում կացարանների գների բարձրացումը կապված կլինի ոչ այնքան կորցրած շահույթը վերադարձնելու ցանկության, այլ ներքին հանգստավայրերի պահանջարկի մեծացման հետ: Մեծապես այն պատճառով, որ արտաքին հոսքը սահմանափակված է այս կամ այն պատճառով:

• Հյուրանոցների, առողջարանների քանակի պակաս ևս կա, այս տարվա տուրսեզոնն էլ ավելի կարճ է: Այս ամենը հնարավորություն կտա այդ օբյեկտների սեփականատերերին բարձրացնել գները, — պարզաբանել է փորձագետը:- Տեսնելով, թե ինչպես է կատարվել հուլիս-օգոստոս ամիսների ամրագրումը, պարզ է, որ գները կարող են էապես բարձրանալ: Այսինքն ավելի քան 20-30%-ով:

Նա նաև նշել է, որ դեպի Ռուսաստան տուրիզմի շուկան այս տարի, հավանաբար, զրոյական է լինելու, քանի որ երկրի սահմանները դեռևս չեն բացվի օտարերկրյա զբոսաշրջիկների համար, իսկ երկրում ակտիվ տուրիստական սեզոնը տևում է մայիսից սեպտեմբեր:

• Չինացի զբոսաշրջիկները կգան Ռուսաստան ոչ շուտ, քան հաջորդ տարի: Նույնիսկ եթե սահմանները բացվեն օգոստոսին, դժվար է ՉԺՀ-ից մուտքի մեծ հոսք ակնկալել, քանի որ որոշակի զգուշություն կլինի ինչպես արտասահմանյան տուրօպերատորների, այնպես էլ տեղի գործակալությունների և հյուրանոցների կողմից: Կարծում եմ, որ մինչև այս տարվա վերջ մենք չենք տեսնի չինացի զբոսաշրջիկներին Էրմիտաժում և այլ թանգարաններում, — ասել է ATOR- ի փոխնախագահը:

Ոլորտի վերականգնումը կտևի առնվազն մեկուկես տարի, իսկ շուկան ինքնին մոտ ապագայում 50%-ով կնվազի: Այս կարծիքին է Զբոսաշրջության դաշնային գործակալության փոխնախագահ Յուրի Բարզիկինը: Ըստ նրա ՝ տնտեսական իրավիճակը քաղաքացիներին բարդ դրության մեջ է դրել և այժմ շատերը հանգստի ժամանակ չունեն:

• Մինչև հունիսի 1-ը տուրիստական հոսքերը զրոյական էին,- ասել է նա: — Նման պայմաններում պետությունը ոչ միայն պետք է զարգացնի ենթակառուցվածքները հանգստի վայրերում, այլև աջակցի սպառողին: Եթե համեմատենք անցած տարվա հետ, ապա սպառողների թիվը 50% -ով պակաս կլինի, գուցե ավելի:

RANEPA-ի արդյունաբերական կառավարման ինստիտուտի կառավարման և սպասարկման ամբիոնի պրոֆեսոր Գալինա Դեխտյարը համաձայն է այս գնահատականի հետ: Այն թույլ է տալիս մի իրավիճակ, որի դեպքում շուկայի կտրուկ անկումը կհանգեցնի մոնոպոլիստների մասնաբաժնի բարձրացմանը: Նվազելու է նաև ապահովագրական ընկերությունների թիվը, որոնք երաշխիքներ չեն տալիս:

Տրանսպորտի նախարարության մամուլի ծառայությունից չեն մեկնաբանել Ռուսաստանի ներսում օդային երթևեկության գների հնարավոր աճի տեղեկությունները, բայց նշել են, որ ամեն ինչ արվում է ներքին տուրիզմի հետ կապված առկա խնդիրները լուծելու համար: Նախարարության տվյալներով՝ շատ դեպքերում օդանավակայանները և ավիաընկերությունները համապատասխանում են անվտանգության կանոններին: Հիմնական խնդիրն ինքնաթիռներում տեղափոխման ընթացքում ուղևորների կուտակումն է: Ըստ հայտարարության՝ տրանսպորտի նախարարությունը ակտիվ համագործակցում է «Ռոստուրիզմի» և «Ռոսպոտրեբնադզորի» հետ ներքին տուրիզմի վերականգնման գործում: Շատ բան կախված կլինի նրանից, թե որ մարզերից է հնարավոր ապահովել անվտանգ արձակուրդ ռուսների համար և որոնք տուրիստական գրավչություն ունեն

Մարտին Ռուսաստանը ժամանակավորապես սահմանափակեց մուտքը օտարերկրյա քաղաքացիների համար, ինչպես նաև ռուսաստանցիների մեծամասնության մեկնումը արտասահման: Այն միտված էր կանխելու COVID-19-ի տարածումը երկրում: Այնուամենայնիվ, համաճարակի անկման պատճառով կառավարությունը որոշեց վերացնել Ռուսաստանի Դաշնության օդային սահմանները հատելու արգելքը որոշակի շրջանի համար: Այս մասին հայտարարել է Միխայիլ Միշուստինը վարակի դեմ պայքարը համակարգող խմբի խորհրդի նիստի ժամանակ: Համաձայն կառավարության որոշման՝ ռուսները կարող են լքել երկիրն այլ պետություններում ապրող հիվանդ հարազատներին խնամելու, ինչպես նաև աշխատանքի կամ ուսման գնալու համար:

Կարող են մեկնել նաև այն քաղաքացիները, որոնք պետք է արտասահմանում բուժօգնություն ստանան: Նաև բացառություն են եղել նաև օտարերկրյա այն քաղաքացիները, որոնք պետք է բուժում ստանան ռուսական կլինիկաներում կամ այցելելու են խնամքի կարիք ունեցող հարազատներին:

• Ռուսաստանում այսօր չորս շրջան արդեն բաց է սանիտարական բուժման համար՝ Կրասնոդար և Ստավրոպոլի երկրամասեր, Թաթարստան և Ալթայ: Պահանջարկը աստիճանաբար աճում է, քանի որ անհրաժեշտ է հաշվարկել ամբողջ նյութատեխնիկական ապահովումը և գնահատել ռիսկերը, եթե վարակը գլուխ բարձրացնի որոշ շրջաններում,-ասել է փորձագետը:

Շատ մասնագետներ այսօր խոսում են այն մասին, որ COVID-19-ի նոր դեպքերի թվի նվազումը հանրային առողջապահական միջոցառումների արդյունք է, որոնք ձեռնարկվել են վիրուսի տարածումը կանխարգելելու համար, և այդ նվազումը պայմանավորված չէ միայն համաճարակի «բնական» ընթացքով:

• Մյուս կողմից չպետք է մոռանալ ձեռնարկված միջոցառումների մասին, քանի որ դրանք ապացուցել են իրենց արդյունավետությունը,- նշել է Ռուսաստանի Դաշնությունում ԱՀԿ ներկայացուցիչը և վստահեցրել, որ յուրաքանչյուրի պահվածքը, հիգիենայի և վարվելակերպի հիմնական կանոններին համապատասխանությունը, ֆիզիկական հեռավորությունը, կորոշեն համաճարակի հետագա զարգացումը: Կարևոր է, որ նոր չափանիշները դառնան մարդկանց առօրյա կյանքի մի մասը: