Անապատում խաղաղ է

Աֆրիկայում կորոնավիրուսը հայտնվեց հայտնի զբոսաշրջային վայրերում, ինչպիսիք են Եգիպտոսը, Ալժիրը և Մարոկկոն՝ կարծես շրջանցելով տարածաշրջանի մնացած երկրները: Վարակվածների և մահացությունների թիվը հարյուր անգամ պակաս է, քան զարգացած եվրոպական երկրներում: Ավելին, օտարերկրացիների հեռանալու հետ կապված իրավիճակը ծայրաստիճան տարբերվում է երկրների միջև: Դուք դեռ կարող եք մի երկրից չարտերային թռիչքով մեկնել, իսկ մեկ այլ երկրում իրական տարհանում է:

Բարենպաստ միջավայր

Աֆրիկան մոտ երեք շաբաթ հետ է մնում Եվրոպայից՝ դեպքերի աճի տեմպերով. առաջին մահը Ֆրանսիայում գրանցվել է փետրվարի 14-ին, Եգիպտոսում՝ մարտի 8-ին: Փորձագետները պարզապես բացատրում են դանդաղ տեմպը Աֆրիկայի երկրների միջազգային ուղևորափոխադրումների ոլորտում փոքր մասնաբաժին ունենալով և դեպքերի մեծ մասը գրանցված են այն պետություններում, որոնք առավել ինտեգրված են համաշխարհային տնտեսության մեջ և համարվում են զբոսաշրջային:

• Սկզբում մենք նկատեցինք դեպքերի մեծ աճ Չինաստանում և ակնկալում էինք, որ այդտեղից վիրուսը կհասնի Աֆրիկա: Այնուամենայնիվ, ամեն ինչ այդ առումով «հանգիստ էր»: Այն սկսեցին «ներմուծել» ավելի ուշ, ավելին ՝ եվրոպական երկրներից, — ասել է Աֆրիկայի ԱՀԿ տարածաշրջանային գրասենյակի տեխնիկական տնօրեն Մերի Ստեֆանը (Բրազավիլ, Կոնգո): — Երկրներն այժմ հնարավորություն ունեն կանգնեցնել վիրուսի տարածումը՝ ընդհատելով այն հենց տեղում: Այնուամենայնիվ, ամեն ինչ կախված կլինի իշխանությունների ունակությունից` վարակվածներին ճիշտ ախտորոշելու, նրանց մեկուսացնելու և հետագա տարածումը կանխարգելելու համար:

Միևնույն ժամանակ, դեռ վաղ է ասել, որ COVID-19-ը շրջանցել է մայրցամաքը. փորձագետները ընդունում են, որ Աֆրիկայում դեռս կարող է բռնկվել համաճարակ, որը նման կլինի Եվրոպայում փետրվարին տեղի ունեցածին:

Ըստ Ջոն Հոփկինսի համալսարանի (ԱՄՆ) տվյալների՝ աֆրիկյան երկրներն աշխարհում ամենաքիչն են պատրաստցած կորոնավիրուսային համաճարակին:

• Նրանց առողջապահական համակարգերի մեծ մասը վատ են սարքավորված, ներառյալ կորոնավիրուսային թեստերի քանակը: COVID-19-ը, ամենայն հավանականությամբ, տարածվելու է աֆրիկյան որոշ երկրներում աննկատ, — ասել է Ռուսաստանի Գիտությունների ակադեմիայի Աֆրիկայի սոցիոլոգիական և քաղաքական հետազոտությունների կենտրոնի ղեկավար Սերգեյ Կոստելյանեցը: — Տնտեսական նկատառումներից ելնելով՝ բնակչությունը երկար ժամանակ չի կարողանա մնալ կարանտինում, այն ի վիճակի չէ պահեստավորել հիգիենայի պարագաներ և սննդամթերք և հաճախ այն անգամ չունի նույնիսկ մաքուր ջրի բավարար աղբյուրներ: Հիվանդության տարածմանը կարող են նպաստել նաև սոցիալական, տնտեսական և մշակութային որոշ գործոններ (խիտ բնակչություն աֆրիկյան քաղաքների աղքատ թաղամասերում, բազմազավակ ընտանիքներ, միաժամանկ միասին ապրող մի քանի սերունդներ):

Այնուամենայնիվ, կան որոշ գործոններ, որոնք կարող են խանգարել մայրցամաքում կորոնավիրուսի տարածմանը: Այս ասպեկտներից մեկը բնակիչների միջին տարիքն է: Ինչպես գիտեք, ամենախոցելի գոտում տարեցներն են: Աֆրիկայում միջին տարիքը 20 տարեկանն է, իսկ 65 տարեկանից բարձր մարդկանց թիվը կազմում է ընդամենը 3%: Սա հիմք է տալիս ասելու, որ մահացության մակարդակն այնտեղ շատ ավելի ցածր կլինի քան մնացած երկրներում:

Արդյունավետ պայքարի ձևն Աֆրիկայում

2014 թվականին բռնկված էբոլա համաճարակը և մալարիայի մշտական սպառնալիքը, որոնք զուգորդվում են ոչ այնքան զարգացած առողջապահական համակարգով, հիմք է տվել ասելու, որ աֆրիկյան երկրները պետք է լինեն առաջինը, որոնք վտանգված են COVID-19-ից: Այնուամենայնիվ, երեք ամսվա ընթացքում, երբ կորոնավիրուսը մոլեգնում էր աշխարհում, հակառակ սպասումներին, զարգացած երկրներն ունեցել են վարակի վատթարագույնը մակարդակները: Համաձայն հիվանդությունների կանխարգելման և վերահսկման եվրոպական կենտրոնի (ECDC)՝ մինչև 2020 թվականի մարտի 23-ը Եվրոպայում գրանցվել է 170.424 դեպք՝ 8743 մահվան դեպքով, իսկ Աֆրիկայում գրանցվել է 1.266 դեպք և 40 մահ: Աֆրիկայի 54 երկրից առաջին հնգյակում տեղ են գտել Եգիպտոսը (294 դեպք և 10 մահ), ՀԱՀ-ն (274), Մարոկկոն (115 և 4), Ալժիրը (102 և 15) և Թունիսը (75 և 3):

Ինչ վերաբերում է տարածաշրջանի մնացած երկրներին, ապա Կոնգոյում (Կենտրոնական Աֆրիկա՝ 4 դեպք) իշխանությունները հիվանդության դեմ պայքարի համար հատկացրել են 3 միլիոն դոլար, խստացրել սահմանային հսկողությունը և չեղարկել մի շարք զանգվածային միջոցառումներ: Նամիբիայում (մայրցամաքի հարավ, 3 դեպք), արտակարգ դրություն և մի շարք սահմանափակումներ ուժի մեջ են մտել մարտի 17-ից: Դադարեցվել է «անբարենպաստ սանիտարահամաճարակային իրավիճակ ունեցող երկրների» հետ օդային կապերը (Շենգենյան պետություններ, Մեծ Բրիտանիա, Իրան, Չինաստան, Հարավային Կորեա, ԱՄՆ, Ճապոնիա): Վինդխուկ քաղաքի օդանավակայանում վիզաների տրամադրումը դադարեցվել է, արգելվել է լքել երկիրն առանց Առողջապահության նախարարության և ՆԳՆ-ի թույլտվության, ինչպես նաև արգելվել են միջոցառումները, որոնց մասնակիցների թիվը անցնում էր 50-ը, գումարած այս ամենին նաև 30-օրյա կարանտինը:

Եթովպիայում (արևելյան Աֆրիկա ՝ 11 դեպք) իշխանությունները մարտի 3-ին ստեղծեցին ազգային հանձնաժողով՝ հակավիրուսային կարողությունների զարգացումը վերահսկելու համար, ստեղծեցին Եթովպիայի հանրային առողջության ինստիտուտի թեժ գիծը և պատրաստեցին հատուկ բաժանմունքներ ամբողջ երկրում: Մոտակայքում գտնվող Բուրունդիում (դեպքեր չեն գրանցվել), ինչպես Նամիբիայում, այցելուները ԵՄ-ից, ԱՄՆ-ից, Բրիտանիայից, Ավստրալիայից, Չինաստանից, Հարավային Կորեայից, Իրանից և Ճապոնիայից 10 օր ժամկետով մնում են կարանտինի մեջ, այնուհետև կորոնավիրուսի թեստ են հանձնում և եթե թեստը բացասական է, ապա հիվանդը պահպանում է տնային ռեժիմ ևս չորս օր: