Բարձրագույն խումբ. «Շիրակը» մոտեցավ չեմպիոնին. 24-րդ տուրի ամփոփումը

22.06.2020

Բարձրագույն խմբի ընթացիկ առաջնության 24-րդ տուրի կենտրոնական խաղում առաջատար «Արարատ-Արմենիան» մրցակցի հարկի տակ մրցեց Գյումրու «Շիրակի» հետ: Վարդան Բիչախչյանի գլխավորած թիմը կարողացավ հաղթել գործող չեմպիոնին ու կողմերի միջև եղած միավորների տարբերությունը հասցնել երեքի: Զուգահեռ ընթացող խաղում մրցեցին «Նոան» ու «Լոռին»: Վանաձորը ներկայացնող թիմը մինչև վերջ պայքարեց՝ փորձելով փրկել հանդիպումը, սակայն չստացվեց: Տուրի խաղային երկրորդ օրը ասպարեզ դուրս եկան Երևանի «Արարատն» ու «Ալաշկերտը»: Ալաշկերտցիները կարողացան կամային հաղթանակ տանել ու բարելավել դիրքերը մրցաշարային աղյուսակում: Թիմն այս պահին երրորդ տեղում է՝ վաստակած 40 միավորով: Առաջատարը «Արարատ-Արմենիան» է, որն ակտիվում ունի 45 միավոր: Նրանից երեք միավոր պակաս է վաստակել «Շիրակը», որը հանգրվանել է երկրորդ հորիզոնականում: «Նոան» չորրորդն է՝ վաստակած 39 միավորով, «Լոռին» երեք միավոր պակաս ունի և հինգերորդն է: Վեցնյակն եզրափակում է «Արարատը»՝ վաստակած 33 միավորով:

Մրցաշարային Աղյուսակ / մրցանակային խումբ

N	ԹԻՄ	Խ	Հ	Ո	Պ	Գ			Մ
1	ԱՐԱՐԱՏ-ԱՐՄԵՆԻԱ	24	13	6	5	41	—	21	45
2	ՇԻՐԱԿ	24	12	6	6	34	—	21	42
3	ԱԼԱՇԿԵՐՏ	24	12	4	8	42	—	27	40
4	ՆՈԱ	24	11	6	7	31	—	25	39
5	ԼՈՌԻ	24	9	9	6	32	—	27	36
6	ԱՐԱՐԱՏ	24	9	6	9	30	—	30	33

Բարձրագույն խմբի ընթացիկ առաջնության 24-րդ տուրում «Շիրակը» Գյումրիում 1:0 հաշվով հաղթեց «Արարատ-Արմենիային»: Հանդիպման միակ և հաղթական գոլը խփեց շիրակցիների հարձակվող Մորի Կոնեն: Վերջինս առաջնությունում խփած գոլերի թիվը հասցրեց 19-ի: Աֆրիկացի լեգեոները շարունակում է գլխավորել առաջնության լավագույն ռմբարկուների աղյուսակը: Հաշվետու տուրում խփած գոլով աչքի ընկավ նաև Վանաձորի «Լոռիի» հարձակվող Ջոնել Դեսիրեն: Վերջինս խփեց իր 11-րդ գոլն առաջնությունում: Դուբլով աչքի ընկավ և առաջնությունում խփած գոլերը հասցրեց 9-ի «Ալաշկերտի» խաղացող Ալեքսանդր Գլիշիչը:

Լավագույն ռմբարկուները

N		Ֆուտբոլիստ	Գոլեր
01	—	Մորի Կոնե (Շիրակ)	19
02	—	Ջոնել Դեսիրե (Լոռի ՖԱ)	11
03	—	Գուստավո Մարմենտինի Դոս Սանթոս (Ալաշկերտ)	10
04	—	Ալեքսանդր Գլիշիչ (Ալաշկերտ)	9
05	—	Մաքսիմ Մայրովիչ (Նոա)	9
06	—	Դենիս Մահմուդով (Փյունիկ)	9
07	—	Մաիլսոն Լիմա Դուարտե Լոպես (Արարատ-Արմենիա)	8
08	—	Ռամազան Իսաև (Արարատ)	7
09	—	Եվգենի Կոբզար (ՈՒրարտու)	7
10	—	Տիագո Գալվաո Դա Սիլվա (Ալաշկերտ)	6

Հաջորդ՝ 25-րդ տուրում «Շիրակը» մրցակցի դաշտում կհյուրընկալվի «Արարատiն»: Խաղը տեղի կունենա խաղային առաջին օրը Ավանի ֆուտբոլի ակադեմիայի մարզադաշտում: Խաղային երկրորդ օրը Վանաձորում տեղի «Լոռին» կընդունի «Արարատ-Արմենիային», իսկ զուգահեռ մրցավեճում «Նոան» մրցակցի դաշտում կմրցի «Ալաշկերտի» հետ:

Տուր 25				Քաղաք	Մարզադաշտ
28.06.20	Ալաշկերտ	—	Նոա	Երևան	«Նաիրի»	17:30
28.06.20	Լոռի ՖԱ	—	Ար.-Արմենիա	Վանաձոր	ՎՖԱ մ/դաշտ	17:30
27.06.20	Արարատ	—	Շիրակ	Երևան	ԱՖԱ մ/դաշտ	19:00