Հրդեհ Սիսիան քաղաքում
ԱԻՆ-ից հայտնում են, որ հունիսի 24-ին, ժամը 09:08-ին Ճգնաժամային կառավարման ազգային կենտրոն տեղեկություն է ստացվել, որ հրդեհ է բռնկվել Սիսիան քաղաքի Մյասնիկյան փողոցի տներից մեկի տանիքում:
Դեպքի վայր է մեկնել ԱԻՆ ՓԾ Սյունիքի մարզային փրկարարական վարչության հրշեջ-փրկարարական ջոկատից երկու մարտական հաշվարկ: Հրդեհը մեկուսացվել է ժամը 09:23-ին, մարվել՝ 09:31-ին: Այրվել են տանիքի փայտյա կառուցատարրերը (մոտ 15 քմ):
