Ավտոմեքենան շրջվել է. տուժածներ չկան
ԱԻՆ-ից հայտնում են, որ հունիսի 7-ին, ժամը 13:49-ին Ճգնաժամային կառավարման ազգային կենտրոն ահազանգ է ստացվել, որ Աղվերանի «Արթուրս» հյուրանոցից դեպի Ծաղկունյաց լիճ տանող ավտոճանապարհին տեղի է ունեցել ՃՏՊ:
Դեպքի վայր է մեկնել ԱԻՆ ՓԾ Կոտայքի մարզային փրկարարական վարչության հրշեջ-փրկարարական ջոկատներից երկու մարտական հաշվարկ։
Պարզվել է, որ «Nissan Xterra» մակնիշի ավտոմեքենան (վարորդ՝ Սերգեյ Յ․) շրջվել և փակել է ճանապարհի երթևեկելի հատվածը, տուժածներ չկան։ Փրկարարներն ուղղել են ավտոմեքենան:
