Գերմանիան ցանկանում է ընդլայնել միջոցառումները սոցիալական կապերը սահմանափակելու համար
Գերմանիայի կառավարությունը խորհուրդ է տալիս դաշնային նահանգներին շարունակել միջոցառումները՝ սոցիալական շփումները սահմանափակելու համար, մինչև հունիսի 29-ը, հայտնում է Bild -ը:
Ավելի վաղ, Գերմանիայի կանցլեր Անգելա Մերկելը հայտարարել էր, որ Գերմանիայի դաշնային կառավարությունը և տարածաշրջանային իշխանությունները պայմանավորվել են մինչև հունիսի 5-ը չդադարեցնել միջոցառումները, որոնք մարտի կեսերին ներդրվել են կորոնավիրուսի համաճարակի հետ կապված: Ըստ «Bild» պարբերական՝ կառավարությունը առաջարկում է, որ տարածաշրջանային իշխանությունները երկարացնեն մի շարք կանոններ, որոնք սահմանափակում են սոցիալական կապերը: Խոսվում է 1,5 մետր նվազագույն հեռավորություն պահելու և մի շարք հասարակական վայրերում պաշտպանիչ դիմակների պարտադիր կրելու մասին:
Քննարկվում է նաև հասարակական վայրերում սահմանափակումների հարցը: Ըստ Գերմանիայի իշխանությունների՝ մինչև հունիսի 29-ը քաղաքացիները չպետք է հավաքվեն ավելի քան 10 հոգանոց խմբերով, եթե խոսքը ընտանիքների մասին չէ:
Ներկա պահին Գերմանիայի շրջանների մեծ մասում կան սոցիալական կապերը սահմանափակելու կանոններ, որոնք համաճարակի դեմ պայքարի միջոցառումների փաթեթի մաս են կազմում: Նախևառաջ, դա հասարակական վայրերում մեկուկես մետր հեռավորության պահպանումն է, խոշոր խմբերի հավաքման արգելքը, եթե խոսքը ընտանիքի մասին չէ, հավաքույթ (մինչև 20 հոգի), կրոնական իրադարձություն (մինչև 50 հոգի):
Գերմանիայում նոր կորոնավիրուսային վարակի դեպքերի ընդհանուր թիվն ըստ worldometers-ի հասել է 181,288-ի, մահացածների թիվը՝ 8,498-ի:
