Նազելի Բաղդասարյան. «Գործող տուգանքի չափը նվազեցվել է 10-25 անգամ»

Հարգելի քաղաքացիներ, քանի որ մի շարք լրատվամիջոցներում նկատեցի այսօրվա օրինագծի հետ կապված սխալ վերնագրեր, ապա հարկ եմ համարում հստակեցում մտցնել։

ԱԺ-ն այսօր ընդունել է մի նախագիծ, որի արդյունքում նախկինում գործող տուգանքի չափը նվազեցվել է 10-25 անգամ։
Վարչական իրավախախտումների վերաբերյալ օրենսգրքի 182.3-րդ հոդվածի 10-րդ կետի համաձայն` «Արտակարգ իրավիճակի հիմքով հայտարարված արտակարգ դրության ընթացքում որպես սահմանափակում նախատեսված մեկուսացման կամ ինքնամեկուսացման կանոնները կամ ազատ տեղաշարժվելու իրավունքի այլ սահմանափակումները խախտելը`
առաջացնում է տուգանքի նշանակում` նվազագույն աշխատավարձի 100-250 -ապատիկի չափով՝ 100.000 դրամից — 250.000 դրամ։