Ընթանում է գումարների բաշխման գործընթացը

Գյումրի համայնքի ավագանին սույն թվականի ապրիլի 10-ի ավագանու նիստին հաստատել է սոցիալապես անապահով թվով 104 անձանց դրամական աջակցություն տրամադրելու հարցը: Տարեսզբից մինչև մարտ ամիս դրամական աջակցություն ստանալու համար քաղաքապետարան դիմում ներկայացրած և այս ցուցակում ընդգրկված քաղաքացիները զանգի միջոցով տեղեկացվել էին գումարների տրամադրման մասին, հայտնում են քաղաքապետարանի մամուլի ծառայությունից: Գումարների բաշխման գործընթացն արդեն ընթացքի մեջ է: Ոստիկանների անմիջական հսկողությամբ պահպանվում է սոցիալական հեռավորությունը: Գումարների տրամադրումն իրականացվում է մեկ պատուհանի սկզբունքով: