Covid 19-ն աշխարհում. Նյու-Յորքում մեկ օրում ռեկորդային թվով քիչ մարդ է մահացել
Անցած մեկ օրում Նյու-Յորքում կորոնավիրուսային հիվանդությունից մահացածների թիվը ռեկորդային քիչ է եղել՝ մահացել է 32 մարդ:
- Ֆլորիդայում արձանագրվել է կորոնավիրուսային հիվանդության նոր դեպքերի ռեկորդային ցուցանիշ: Անցած մեկ օրում գրանցվել է 2500 նոր դեպք:
- British Airways ավիաընկերությունը RyanAir և EasyJet լոուքոստերների հետ համատեղ դատարանի միջոցով պահանջում է կառավարությունից վերանայել 14-օրյա կարանտինի մասին որոշումը, որը վերաբերում է բոլոր նրանց, որոնք Մեծ Բրիտանիա կժամանեն այլ երկրներից:
- Վերջին 20 տարում ազգային կառավարություններին ու միջազգային կազմակերպություններին հաջողվել է կրճատել ֆերմաներում, գործարաններում ու այլ ոլորտներում աշխատող երեխաների թիվը 94 միլիոնով: Առողջապահության համաշխարհային կազմակերպությունից զգուշացնում են, որ կորոնավիրուսի համավարակի պատճառով կարող են հօդս ցնդել վերջին 20 տարում մանկական աշխատանքի դեմ տարված պայքարի պտուղները:
