Covid 19-ն աշխարհում. Պեկինում վարակվածներ են հայտնաբերել. Կարևորի մասին մեկ տողով
Պեկինի հարավում գտնվող Ֆենտայ շրջանում մտցրել են ռազմական դրություն այն բանից հետո, երբ այնտեղ տեղակայված շուկայում հայտնաբերվել է COVID-19:
- Հունիսի 13-ից Պեկինում կրկին ժամանակավորապես կդադարեցվեն մարզական բոլոր միջոցառումները: Բանն այն է, որ քաղաքում ի հայտ են բերել կորոնավիրուսով վարակվածների նոր դեպքեր:
- Դոնալդ Թրամփի տնտեսական հարցերով խորհրդական Լարի Կիդլոուն հայտնել է ներդրողներին, որ Միացյալ Նահանգների իշխանությունները չեն սպասում կորոնավիրուսի համավարակի երկրորդ ալիքի, իսկ երկրի մի շարք շրջաններում բռնկումները հնարավոր է վերահսկել:
- Հունիսի 15-ից Սլովենիան կբացի սահմանները Իտալիայի ու Չերնոգորիայի հետ, բայց կսահմանի պարտադիր կարանտին երկիր մուտք գործող քաղաքացիների համար:
- Ֆրանսիայի կառավարությունը 300 միլիոն եվրո կտրամադրի օդանավակայաններին աջակցելու համար:
- ՄԱԿ-ի շտաբ-բնակարանի աշխատակիցները կշարունակեն իրենց աշխատանքը առցանց մինչև հուլիսի 31-ը:
- Մոլդովայի վարչապետ Իոն Կիկուն ուրբաթ օրը հայտնել է, որ կառավարությունը լրացուցիչ քայլեր կձեռնարկի կորոնավիրուսի դեմ պայքարոի համար:
