Գյումրիում հետախույզները մեթամֆետամին են հայտնաբերել
Մարտի 8-ին ոստիկանության Մուշի բաժնի քրեական հետախույզները, ապօրինի թմրանյութ պահելու, պատրաստելու և օգտագործելու կասկածանքով, Գյումրի քաղաքի Գորկու փողոցում հայտնաբերել, ձերբակալել և բաժին են տեղափոխել 25-ամյա մի երիտասարդի։ Նրա խուզարկությամբ հայտնաբերվել է մեթամֆետամինի նմանվող զանգված. երիտասարդի հայտնածով` թմրամիջոցը ձեռք էր բերել Տելեգրամի միջոցով։ Դեպքի առթիվ կազմված փաստաթղթերն ուղարկվել են Շիրակի մարզային քննչական վարչություն։ Հանգամանքները պարզվում են: Այս մասին հայտնում են ՀՀ ոստիկանությունից:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
