Ռուս խաղաղապահներն ապահովում են հացահատիկի բերքահավաքի անցկացման անվտանգությունը Մարտակերտի շրջանում

Ռուս խաղաղապահներն ապահովում են հացահատիկի բերքահավաքի անցկացման անվտանգությունը Մարտակերտի շրջանում

Ռուս խաղաղապահներն ապահովում են Մարտակերտի շրջանի բնակիչների կողմից իրականացվող հացահատիկային մշակաբույսերի բերքահավաքի աշխատանքների անվտանգությունը: Այս մասին հայտնում է ՌԴ ՊՆ-ն:

«Ներկա պահին իրականացվում է գյուղատնտեական աշխատանքների անվտանգության ապահովումը Մարտակերտի շրջանում»,- հայտնել է ռուսական խաղաղապահ զորակազմի ներկայացուցիչ Ալեքսեյ Կոլեսնիկովը:

Նշվում է, որ տվյալ շրջանի համար հացահատիկի բերքահավաքն ուշացումով է սկսվել. երկու ամսից կմեկնարկի ձմռան ցանքը, իսկ դաշտերը չեն հասցնի վերականգնվել:

Մարտակերտի շրջանի դաշտերում իրականացվող աշխատանքներով կավարտվի Արցախի հացահատիկի բերքահավաքը:

Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն էին ձեռք բերել, ստորագրվել էր հայտարարություն, որով Ադրբեջանին են անցել Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։

wp-apeth