Հաստատվել է 15 նոր դեպք. Հանրագումարով 879 դեպք
Հունիսի 15-ի ժամը 10:00-ի դրությամբ Վրաստանում կորոնավիրուսով վարակի 15 նոր դեպք է գրանցվել, ընդհանուր դեպքերի թիվը երկրում կազմում է 879: Կորոնավիրուսից բուժվել է ևս 1 մարդ: Ընդհանուր հաշվով վարակը հաղթահարել է 704 մարդ, իսկ մահացածների թիվը 14 է, հայտնում է aliq.ge-ն հղում անելով կառավարության կողմից ստեղծված stopcov.ge-ին:
Այս պահի դրությամբ կարանտինային գոտում է գտնվում 2795 քաղաքացի, հատուկ ստացիոնար հսկողության տակ է 252 պացիենտ: Արտերկրից կորոնավիրուսով վարակված 3 քաղաքացի է տեղափոխվել Վրաստան բուժվելու նպատակով:
