Skip to content
Հինգշաբթի շաբաթաթերթ
  • Լրահոս
  • Արցախ
  • Առողջություն
  • Սպորտ
  • Հայտարարություններ
  • Գլխավոր
  • Սպորտ
  • 3 արծաթե և 3 բրոնզե մեդալ՝ ազատ ոճի ըմբշամարտի Մ23 տարեկանների Եվրոպայի առաջնությունից

3 արծաթե և 3 բրոնզե մեդալ՝ ազատ ոճի ըմբշամարտի Մ23 տարեկանների Եվրոպայի առաջնությունից

  • 20.03.2023
3 արծաթե և 3 բրոնզե մեդալ՝ ազատ ոճի ըմբշամարտի Մ23 տարեկանների Եվրոպայի առաջնությունից

Ազատոճային ըմբիշները 6 մեդալ են նվաճել Բուխարեստում ավարտված Մ23 տարեկանների Եվրոպայի առաջնությունում: Թիմային հաշվարկում Հայաստանի հավաքականը զբաղեցրել է 4-րդ հորիզոնականը, հայտնում են ՀՀ ԿԳՄՍ նախարարության մամուլի ծառայությունից:

Հայաստանի հավաքականի կազմում վերջին մեդալը նվաճել է 92 կգ քաշային Սերգեյ Սարգսյանը՝ վճռորոշ գոտեմարտում 8-5 հաշվով կամային հաղթանակ տանելով Ադրբեջանի ներկայացուցչի նկատմամբ և արժանանալով բրոնզե մեդալի։

Մ23 տարեկանների Եվրոպայի առաջնությունում արծաթե մեդալներ են նվաճել Մեժլում Մեժլումյանը ( 61 կգ ), Հայկ Պապիկյանը (70 կգ) և Կնյազ Իբոյանը (86 կգ ), իսկ Էդիկ Հարությունյանը (57 կգ) և Մարտին Սիմոնյանը (125 կգ) դարձել են բրոնզեմեդալակիրներ։

Մեժլումյանը 61 կգ քաշայինների եզրափակչում զիջել է ուկրաինացի Անդրի Ժելեպին և բավարարվել արծաթե մեդալով: Հայ ըմբիշը մեկնարկային գոտեմարտում 10-0 հաշվով առավելության է հասել ֆրանսիացի ըմբիշի նկատմամբ, քառորդ եզրափակչում նույն հաշվով հաղթել է ռումինացի մրցակցին, իսկ կիսաեզրափակչում 6-5 հաշվով առավելության է հասել Իտալիայի ներկայացուցչի նկատմամբ:

Իբոյանը 86 կգ քաշայինների եզրափակչում 1-11 հաշվով պարտվել է Ֆրանսիան ներկայացնող Ռախիմ Մագամադովին և նվաճել արծաթե մեդալ: Հայ ըմբիշը պայքարը սկսել է որակավորման փուլից, որտեղ 4-2 հաշվով առավելության է հասել մոլդովացի Իվան Իչիզլի նկատմամբ: Քառորդ եզրափակչում Իբոյանը 7-5 հաշվով հաղթել է ադրբեջանցի Ֆարիդ Ջաբարովին, իսկ կիսաեզրափակչում 3-2 հաշվով հաղթել է թուրք Իսմաիլ Կոչուկսոլակին:

Պապիկյանը 70 կգ քաշայինների եզրափակչում զիջել է ադրբեջանցի Մագոմեդ Բաշիր Խանիևին ու նվաճել արծաթե մեդալ։ Հայ ըմբիշը պայքարը սկսել է 1/8 եզրափակչից, որտեղ 10-0 հաշվով հաղթել է լեհ Մատեուշ Լուշինսկիին, քառորդ եզրափակչում 5-0 հաշվով առավելության է հասել Ֆրանսիան ներկայացնող Մուհամեդ Սանգարիևի նկատմամբ, իսկ կիսաեզրափակչում 9-0 հաշվով վստահ հաղթանակ է տարել Գերմանիայի ներկայացուցիչ Շամիլ Ուստաևի նկատմամբ:

Հայաստանի մյուս ներկայացուցիչ Էդիկ Հարությունյանը (57 կգ) բրոնզե մեդալի համար գոտեմարտում ժամանակից շուտ 13-2 հաշվով հաղթանակի է հասել ադրբեջանցի Նուրադին Նովրուզովի նկատմամբ և հաղթող ճանաչվել: Հարությունյանը պայքարը սկսել է քառորդ եզրափակչից, որտեղ 2-3 հաշվով զիջել թուրք Թոլգա Օզբեկին: Վերջինս հասել է եզրափակիչ, ու հայ ըմբիշը, սփոփիչ գոտեմարտում հաղթելով լեհ Ռոման Շչևցին, բրոնզե մեդալի համար գոտեմարտելու հնարավորություն է ստացել:

125 կգ քաշային Մարտին Սիմոնյանն արժանացել է բրոնզե մեդալին՝ առանց պայքարի: Սիմոնյանը մեկնարկել է քառորդ եզրափակչից, որտեղ զիջել է Ադրբեջանը ներկայացնող Վախիդ Գալաևին: Կիսաեզրափակիչում ադրբեջանցի ըմբիշի և վրացի Սոլոմոն Մանաշվիլի միջև ծեծկռտուք է տեղի ունեցել, ադրբեջանցի ըմբիշը որակազրկվել է, և Սիմոնյանը կիսաեզրափակչում պայքարը շարունակելու հնարավորություն է ստացել: ½ եզրափակչում արդեն հայ ըմբիշը 0:10 հաշվով զիջել է ուկրաինացի Վոլոդյա Կոչանովին: Բրոնզե մեդալի համար Մարտին Սիմոնյանը պետք է գոտեմարտեր վրացի Սոլոմոն Մանաշվիլիի հետ, որը ևս որակազրկվել է ծեծկռտուքի համար: Արդյունքում, բրոնզե մեդալի համար գոտեմարտը չի կայացել և Սիմոնյանը հաղթող է ճանաչվել:

Հայաստանի ազատ ոճի ըմբշամարտի հավաքականի կազմում Մ23 տարեկանների Եվրոպայի առաջնությունում հանդես են եկել նաև Տիգրան Ղազարյանը (65 կգ), Մենուա Յարիբեկյանը (74 կգ), Նարեկ Գրիգորյանը (79 կգ) և Խաչատուր Խաչատրյանը (97 կգ), որոնք անմասն են մնացել մեդալներից։

Հիշեցնենք՝ հունահռոմեական ոճի ըմբշամարտի հավաքականը Բուխարեստում 1 արծաթե և 3 բրոնզե մեդալ էր նվաճել։ Կարապետ Մանվելյանը դարձել էր արծաթե մեդալակիր, իսկ Հովհաննես Հարությունյանը, Հայկ Խլոյանը և Ալբերտ Վարդանյանը բրոնզե մեդալներ էին նվաճել:


Tweet
Կիսվել
Կիսվել
0 Կիսվել են
wp-apeth

Գրառումների նավարկումը

Նախորդը
Հաջորդը

Նման նյութեր

Աթլետիկայի մարզական միջոցառում՝ կրթության առանձնահատուկ պայմանների կարիք ունեցող երեխաների համար
  • Սպորտ

Աթլետիկայի մարզական միջոցառում՝ կրթության առանձնահատուկ պայմանների կարիք ունեցող երեխաների համար

  • 11.05.2023
Մխիթարյանը գոլ խփեց Չեմպիոնների լիգայի կիսաեզրափակչում
  • Սպորտ

Մխիթարյանը գոլ խփեց Չեմպիոնների լիգայի կիսաեզրափակչում

  • 11.05.2023
Գյումրու թիվ 30 հիմնական դպրոցի թիմը՝ 1-3-րդ դասարանների միջև «Սպորտլանդիա» միջոցառման հաղթող
  • Սպորտ

Գյումրու թիվ 30 հիմնական դպրոցի թիմը՝ 1-3-րդ դասարանների միջև «Սպորտլանդիա» միջոցառման հաղթող

  • 09.05.2023
Հայ բռնցքամարտիկները շարունակում են ելույթներն աշխարհի առաջնությունում
  • Սպորտ

Հայ բռնցքամարտիկները շարունակում են ելույթներն աշխարհի առաջնությունում

  • 09.05.2023
Ֆուտզալ. Հայաստանի հավաքականի դարպասապահը՝ Չեմպիոնների լիգայի հաղթող
  • Սպորտ

Ֆուտզալ. Հայաստանի հավաքականի դարպասապահը՝ Չեմպիոնների լիգայի հաղթող

  • 08.05.2023
Վահան Բիչախչյանը կրկին հաղթանակ պարգեւեց «Պոգոնին»
  • Սպորտ

Վահան Բիչախչյանը կրկին հաղթանակ պարգեւեց «Պոգոնին»

  • 08.05.2023

Լրահոս

Հրադադարի էական խախտումներ չեն արձանագրվել. ՀՀ ՊՆ

14:00 11 Մյս 2023

Ադրբեջանի՝ իրավիճակի սրման հիմնական նպատակը բանակցային գործընթացը զրոյացնելն է. Փաշինյան

12:38 11 Մյս 2023

Ադրբեջանի զինված ուժերը կրակ են բացել վիրավորում ստացած զինծառայողին տեղափոխող շտապօգնության մեքենայի ուղղությամբ

11:44 11 Մյս 2023

Իրադրությունն առաջնագծում հարաբերականորեն կայուն է. ՀՀ ՊՆ

11:35 11 Մյս 2023

Հայկական կողմը ունի 4 վիրավոր. ՀՀ ՊՆ

10:39 11 Մյս 2023

Տեղի է ունեցել «Գյումրու միջազգային թատերական փառատոնի» փակման արարողությունը

09:42 11 Մյս 2023

Հայկական կողմն ունի 2 վիրավոր. ՀՀ ՊՆ

09:36 11 Մյս 2023

«Mitsubishi Diamante» -ն բախվել է բետոնե արգելապատնեշին

08:48 11 Մյս 2023

Աթլետիկայի մարզական միջոցառում՝ կրթության առանձնահատուկ պայմանների կարիք ունեցող երեխաների համար

08:43 11 Մյս 2023

Մխիթարյանը գոլ խփեց Չեմպիոնների լիգայի կիսաեզրափակչում

07:50 11 Մյս 2023

Հայտարարություններ

Անվճար մասնավոր հայտարարություններ կարող եք տեղադրել՝ անցնելով հղումով

«Հինգշաբթի» ՍՊԸ

Գտնվում եք «Հինգշաբթի» գովազդային-ինֆորմացիոն շաբաթաթերթ ՍՊԸ-ի պաշտոնական կայքէջում: Շաբաթաթերթը 25 տարի լույս է տեսել քաղաք Գյումրիում՝ սկսած 1995 թվականից: Ունեցել է նաև «Ժամանց» և «Ֆուտբոլ» հավելվածները: 2020 թվականից գործարկվել է շաբաթաթերթի կայքէջը

Շիրակի մարզ, Գյումրի

  • Գերարագ ինտերնետ բիզնեսի համար
  • Գերարագ ինտերնետ տան համար
  • Թվային կաբելային TV
  • Ախտորոշիչ կենտրոն Գյումրիում

Սոցցանցեր

Visit Us On FacebookVisit Us On TwitterVisit Us On YoutubeVisit Us On Instagram

Cream Magazine by Themebeez