Արմավիրի Քաղաքային մարզադաշտը վերաբացվեց

Արմավիրի Քաղաքային մարզադաշտը վերաբացվեց

Երկարամյա դադարից հետո Արմավիրում կրկին կանցկացվեն ֆուտբոլային ամենաբարձր մակարդակի հանդիպումներ, ընդ որում՝ ինչպես տեղական նշանակության, այնպես էլ միջազգային:

Այսօր Հայաստանի ֆուտբոլի ֆեդերացիայի նախագահ Արմեն Մելիքբեկյանի, Արմավիրի քաղաքապետ Դավիթ Խուդաթյանի, ՀՀ Կառավարության բարձրաստիճան պաշտոնյաների ներկայությամբ մեծ հանդիսավորությամբ վերաբացվեց Արմավիրի Քաղաքային մարզադաշտը:

Արմավիրի մարզադաշտը հիմնադրվել է դեռևս 1980 թվականին: Սկզբում կրել է Հոբելյանական անվանումը և համարվել է Հայաստանի խոշոր մարզադաշտերից մեկը: 1985 թվականին, երբ ԽՍՀՄ-ը իրավունք է ստացել հյուրընկալելու Աշխարհի երիտասարդական առաջնությունը, այստեղ անցկացվել է խմբային փուլի Կոլումբիա-Թունիս հանդիպումը:

Մարզադաշտի վերակառուցման շինարարական աշխատանքները սկսվել են 2018 թվականին և տեխնիկական պառճառներով ընդհատվել 2019-ին: 2021 թվականին ՀՖՖ-ն կրկին վերսկսել է մարզադաշտի շինարարությունը, և ընդամենը 7 ամիս անց մարզական հրաշալի կառույցն ավարտուն տեսք է ստացել:

wp-apeth