«Հայասան» տարին փակեց հարյուր տոկոսանոց արդյունքով

Կանանց ֆուտբոլի Բարձրագույն խմբի առաջնության իններոդ տուրում Գյումրու «Հայասան» մրցակցի դաշտում 12 անպատասխան գնդակ ուղարկեց «Ուրարտուի» դարպասը: Գործող չեմպիոնի կազմում մեկական հեթ-տրիկ ձեւակերպեցին Սիլվա Նելսոնն ու Լիանա Ղազարյանը, մեկական դուբլի հեղինակ դարձան Սվետլանա Համբարձումյանը ու Ֆաուստինա Կյերեմեն, մեկական գոլ խփեցին Կարինե Եղյանն ու  Մարինե Սահակյանը: Անցկացրած յոթ խաղից հետո «Հայասան» ունի հարյուր տոկոսանոց արդյունք և 21 միավորով գլխավորում է մրցաշարային աղյուսակը: Հավելենք, որ կայացած խաղերում Սենիկ Առաքելյանի գլխավորած «Հայասան» խփել է 43 գոլ ու ոչ մի գոլ բաց չի թողել: «Ուրարտուի» հետ մրցավեճի գոլերը՝ ստորեւ:

Մրցաշրջանի աշնանային հատվածն ավարտվեց: «Հայասան» հաղթեց առաջնության բոլոր խաղերում եւ յոթ միավորով առաջ է երկրորդ եւ երրորդ տեղերը կիսող «Փյունիկից» ու «Նորավանքից»:

• Մրցաշարային աղյուսակ

	Թիմեր	Խ	Հ	Ո	Պ	ԽԳ	ԲԳ	Մ
1.	Հայասա	7	7	0	0	43	0	21
2.	Փյունիկ-աղջիկներ	7	4	1	2	25	3	13
3.	Նորավանք-աղջիկներ	7	4	1	2	29	10	13
4.	Ուրարտու-աղջիկներ	8	2	0	6	10	41	6
5.	Արարատ-Արմենիա-աղջիկներ	7	0	0	7	1	54	0

Առաջնության լավագույն ռմբարկուների ցուցակը գլխավորում է «Հայասայի» ֆուտբոլիստուհի Սիլվա Նելսոնը՝ խփած 14 գոլով: Լավագույն հնգյակում են Ֆաուստինա Կյերեմեն ու Աննա Դալլաքյանը:

• Ռմբարկուներ

		Ֆուտբոլիստ	Գոլեր
1	—	Սիլվա Նելսոն (Հայասա)	14
2	—	Պեյշնց Պետերսոն-Կունդոկ (Նորավանք-աղջիկներ)	8
3	—	Ֆաուստինա Կյերեմե (Հայասա)	7
4	—	Էդնա Պերեա Արաուհո (Նորավանք-աղջիկներ)	6
5	—	Աննա Դալլաքյան (Հայասա)	6

Առաջնությունը կվերսկսվի գալիք գարնանը: «Հայասան» կփորձի պահել չեմպիոնի կոչումն ու իրավունք ստանալ մասնակցել Չեմպիոնների լիգայի խաղարկությանը: Հիշեցնենք, որ անցած ամառ «Հայասան» իր նորամուտը նշեց խաղարկությունում՝ անցկացնելով երկու հանդիպում: Ի դեպ, «Հայասայի» եզրային ֆուտբոլիստուհի Կարինե Եղյանը դարձավ առաջին հայ ֆուտբոլիստուհին, որին հաջողվեց գոլ խփել Կանանց Չեմպիոնների լիգայի խաղարկությունում: