Կանանց Չեմպիոնների լիգա. «Հայասան» պարտվեց «Բրեզնիցային»
Կանանց Չեմպիոնների լիգայի խաղարկության որակավորման առաջին փուլի երկրորդ խաղում Գյումրու «Հայասան» խորվաթական Օսիյեկ քաղաքում մրցեց Մոնտենեգրոյի «Բրեզնիցայի» հետ ու պարտվեց 3:2 հաշվով: Հաշիվը բացեց Արտակ Ադամյանի գլխավորած թիմը, աչքի ընկավ Կարիեն Եղյանը: Մրցակիցն առաջին կեսի վերջում հավասարեցրեց հաշիվը, իսկ ընդմիջումից հետո րոպեներ անց խփեց նաև երկրորդ գոլը: Երկրորդ կեսի միջնամասում «Հայասային» հաջողվեց հավասարեցնել հաշիվը, դուբլի հեղինակ դարձավ Կարիեն Եղյանը: Հանդիպման հիմնական ժամանակի ավարտից վեց րոպե առաջ «Բրեզնիցան» ևս մեկ գոլ խփեց և կամային հաղթանակ տարավ:
Օրեր առաջ «Հայասան» առաջին հանդիպումն էր անցկացրել և պարտվել էր «Անդերլեխտին»: Հայաստանի չեմպիոնն ավարտեց մրցելույթները Չեմպիոնների լիգայի խաղարկությունում: Հիշեցնենք, որ սա «Հայասայի» առաջին նման փորձն էր միջազգային ասպարեզում:
