«Արարատը» կընդունի «Ֆեհերվարին» Գյումրիում

«Արարատը» կընդունի «Ֆեհերվարին» Գյումրիում

Հուլիսի 15-ին նախատեսված Կոնֆերենցիաների լիգայի խաղարկության «Արարատ» — «Ֆեհերվար» պատասխան հանդիպումը կկայանա Գյումրու Քաղաքային մարզադաշտում։ Հանդիպման սկիզբը 17:00-ին է, հայտնում են ակումբի մամուլի ծառայությունից:

«Հանդիպումը Վազգեն Սարգսյանի անվան Հանրապետական մարզադաշտում անցկացնելը հնարավոր չեղավ մարզադաշտի զբաղվածության պատճառով, քանի որ ՀՖՖ-ն որոշել է միջազգային հանդիպումներ անցկացնելու համար մարզադաշտը տրամադրել «Ալաշկերտ» և «Նոա» ակումբներին»,- նշված է հաղորդագրությունում:

Հայտնի են նաև մրցավարները, որոնք սպասարկելու են պատասխան հանդիպումը: Խորվաթական բրիգադն է աշխատելու Իգոր Պայացի գլխավորությամբ:

Հիշեցնենք, «Ֆեհերվարի» հետ առաջին հանդիպումը նախատեսված է հուլիսի 8-ին, Երևանի ժամանակով 22:00-ին, հունգարական Սեկեշֆեհերվար քաղաքի «Արենա Շոշտո» մարզադաշտում։

wp-apeth