Ավտոբուսը բախվել է ծառին. կա 27 տուժած

Ավտոբուսը բախվել է ծառին. կա 27 տուժած

Սեպտեմբերի 2-ին, ժամը 08։23-ին Արարատի մարզային ճգնաժամային կառավարման կենտրոն ահազանգ է ստացվել, որ Մխչյան-Բյուրավան ավտոճանապարհին տեղի է ունեցել ՃՏՊ․ կան տուժածներ։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ «FAV» մակնիշի (վարորդ՝ Ս․ Գ․, ծնված 1959 թ․) Գետազատ-Երևան երթուղին սպասարկող ավտոբուսը դուրս է եկել ճանապարհի երթևեկելի հատվածից և բախվել ծառին։

Ըստ նախնական տվյալների՝ 16 տուժած հոսպիտալացվել է Արտաշատի ԲԿ, 14-ը՝ Երևանի «Էրեբունի» ԲԿ, իսկ 1-ը՝ Մասիսի ԲԿ: Փրկարարները հոսանքազրկել են ավտոբուսը և փակել գազի բալոնի փականը, այնուհետև արգելափակված 2 ուղևորի դուրս բերել ավտոբուսից։

Ավելի ուշ Արտակարգ իրավիճակների նախարարությունից «Արմենպրեսին» հայտնել են, որ ՃՏՊ-ի հետևանքով կա 27 տուժած։ Տուժածները տեղափոխվել են Երևանի և Արտաշատի տարբեր բժշկական հաստատություններ։

«Դեպքի պատճառները դեռևս հայտնի չեն»,- նշել ԱԻՆ-ից։

wp-apeth