Այրվել է մոտ 20 հա խոտածածկ տարածք

ԱԻՆ-ից հայտնում են, որ հունիսի 6-ին, ժամը 10։20-ին Ճգնաժամային կառավարման ազգային կենտրոն տեղեկություն է ստացվել, որ Արտանիշ և Ջիլ գյուղերի միջնամասում գտնվող սարի վրա այրվում է խոտածածկ տարածք։

Դեպքի վայր է մեկնել ԱԻՆ ՓԾ Գեղարքունիքի մարզային փրկարարական վարչության հրշեջ-փրկարարական ջոկատներից երկու մարտական հաշվարկ։ Հրդեհը մեկուսացվել է ժամը 13։20-ին, մարվել՝ 13։56-ին։ Այրվել է մոտ 20 հա խոտածածկ տարածք։ Հրդեհաշիջման աշխատանքներին մասնակցել է ազատ հերթափոխից 5 փրկարար ծառայող։