Կյանքից զրկելու դիտավորությամբ վրաերթի էր ենթարկել համաքաղաքացուն

Կյանքից զրկելու դիտավորությամբ վրաերթի էր ենթարկել համաքաղաքացուն

Օգոստոսի 24-ին, ժամը 18.30-ին, հիվանդանոցից ոստիկանության Մասիսի բաժին ահազանգ է ստացվել, որ վրաերթի հետևանքով ստացած վնասվածքներով բուժօգնության է տեղափոխվել 25-ամյա մի տղամարդ: Մասիսի քրեական հետախույզների ձեռնարկած օպերատիվ-հետախուզական միջոցառումների արդյունքում պարզվել է, որ ժամը 18.00-ի սահմաններում Մասիս քաղաքի Հանրապետության և Դպրոցականների փողոցների խաչմերուկում մասիսցի 20-ամյա երիտասարդը իր վարած «Վոլվո-S80» ավտոմեքենայով, կյանքից զրկելու դիտավորությամբ, վրաերթի է ենթարկել հիվանդանոց տեղափոխված քաղաքացուն և դիմել փախուստի: Դեպքի վայր են մեկնել օպերատիվ-քննչական խմբեր։ Փաստի առթիվ հարուցվել է քրեական գործ՝ ՀՀ քրեական օրենսգրքի 34-104 հոդվածի 1-ին մասի՝ սպանության փորձի հատկանիշներով, հայտնում են ՀՀ ոստիկանության լրատվական բաժնից:

«Մեքենայի վարորդին հայտնաբերելու ուղղությամբ ձեռնարկված ծավալուն միջոցառումների և բացատրական աշխատանքի արդյունքում 20-ամյա երիտասարդը ներկայացել է բաժին։ Նա ներկայացվել է նախաքննական մարմնին ու ձերբակալվել: «Վոլվո-S80» ավտոմեքենան հայտնաբերվել և տեղափոխվել է ոստիկանության Մասիսի բաժնի պահպանվող հատուկ տարածք: Կատարվում է նախաքննություն»,- ասված է հաղորդագրությունում:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

wp-apeth