Քննարկվեց ԱԺ աշխատանքի եւ սոցիալական հարցերի մշտական հանձնաժողովի նախագահի թեկնածուի ընտրության հարցը

Քննարկվեց ԱԺ աշխատանքի եւ սոցիալական հարցերի մշտական հանձնաժողովի նախագահի թեկնածուի ընտրության հարցը

ՀՀ ԱԺ ութերորդ գումարման առաջին նստաշրջանը օգոստոսի 12-ին շարունակեց ԱԺ մշտական հանձնաժողովների նախագահների ընտրության հարցի քննարկումը:

«Քաղաքացիական պայմանագիր» խմբակցությունն ԱԺ աշխատանքի եւ սոցիալական հարցերի մշտական հանձնաժողովի նախագահի պաշտոնում առաջադրեց խմբակցության անդամ Հերիքնազ Տիգրանյանի թեկնածությունը:

Թեկնածուի կենսագրությունը ներկայացրեց խմբակցության պատգամավոր Արսեն Թորոսյանը: Նշվեց, որ թեկնածուն մասնագիտությամբ իրավաբան է: «Վստահ եմ, որ Հերիքնազ Տիգրանյանը լավագույնս կիրականացնի մշտական հանձնաժողովի նախագահի գործառույթները»,-ասաց բանախոսը:

 Մշտական հանձնաժողովի նախագահի թեկնածուն իր ելույթում անդրադարձավ առաջիկա անելիքներին: Նա նշեց, որ կկազմակերպվեն շահագրգիռ քննարկումներ բնագավառին առնչվող կարեւոր հարցերի ու նախագծերի շուրջ: Կարեւորվեց արհեստակցական միությունների վերաբերյալ օրենսդրական դաշտի կատարելագործումը: Պատգամավորը պատասխանեց գործընկերների հարցերին:

wp-apeth