Մինչև 2025թ. Հայաստանում կկառուցվի 200 ՄՎտ հզորությամբ արևային ֆոտովոլտային կայան
Մինչև 2025թ. մեր երկրում կկառուցվի 200 ՄՎտ հզորությամբ արևային ֆոտովոլտային կայան, որը տեղակայվելու է Արագածոտնի մարզի Թալին և Դաշտադեմ համայնքներում. ներդրվելու է մոտ 174 միլիոն դոլար։ Այս մասին տեղեկացնում է Կառավարությունը հրապարակած տեսանյությում, որը ներկայացնում ենք ստորև․
Մրցույթում հաղթել է էմիրաթական «Մասդար» ընկերությունը։ Բաժնեմասի 85%-ը «Մասդարինն» է, 15%-ը` Հայաստանի պետական հետաքրքրությունների ֆոնդինը (ԱՆԻՖ)։
Ծրագիրը ունի նաև սոցիալական բաղադրիչ. նախատեսվում է 320 միլիոն դրամի չափով տարածքային զարգացման վճար տրամադրել այն երկու համայնքներին, որոնց հողատարածքներում արևային էներգիա է արտադրվելու։
