Կասեցվել է հացի արտադրամասի գործունեությունը, վերացվել է կաթնամթերքի արտադրության կասեցումը

Կասեցվել է հացի արտադրամասի գործունեությունը, վերացվել է կաթնամթերքի արտադրության կասեցումը

ՀՀ սննդամթերքի անվտանգության տեսչական մարմնի Արարատի մարզային կենտրոնի տեսուչները վերահսկողական միջոցառումներ են անցկացրել անհատ ձեռնարկատեր Սուրեն Հովհաննիսյանին պատկանող հացի արտադրամասում (Արարատի մարզ, գ. Այնթապ) և պարզել, որ այստեղ կոպտորեն խախտվել են իրավական ակտերով սահմանված սանիտարահիգիենիկ նորմերը: Մասնավորապես՝ արտադրամասը ապահովված չի եղել կենցաղային տարածքներով (սանհանգույց, լվացարաններ՝ հոսող տաք և սառը ջրով, հանդերձարան և այլն) չի բացառվել արտադրական գործընթացների ժամանակ խաչաձև աղտոտումը, չեն ձեռնարկվել համապատասխան միջոցներ կենդանիների մուտքը արտադրամաս կանխելու համար, իսկ սննդի շղթայում ներգրավված անձնակազմը չի ենթարկվել նախնական և պարբերական բժշկական զննությունների:

Տեսչական մարմնի ղեկավարի որոշմամբ՝ հացի արտադրամասի գործունեությունը կասեցվել է, տրվել է ժամկետ խախտումները վերացնելու համար:

Տեսչական մարմնի ղեկավարի մեկ այլ որոշմամբ՝ վերացվել է «Արա-Արեգ» ՍՊԸ-ին պատկանող կաթնամթերքի արտադրամասի (Գեղարքունիքի  մարզ, գ. Լճաշեն) արտադրական գործունեության կասեցումը՝ սանիտարահիգիենիկ նորմերի խախտումների վերացման հիմքով:

wp-apeth