256 բնակիչ ունեցող Զագլիկ համայնքը մանկապարտեզի կարիք ունի

256 բնակիչ ունեցող Զագլիկ համայնքը մանկապարտեզի կարիք ունի

ԱՀ Մարտակերտի շրջանի Զագլիկ համայնքն ունի 256 բնակիչ. բոլորն էլ պատերազմից հետո հայրենի գյուղ են վերադարձել: Այս մասին «Արցախպրեսի» թղթակցի հետ զրույցում ասել է Զագլիկի համայնքապետ Դավիթ Ազարյանը:

Պատերազմի ողջ ընթացքում մենք պաշտպանել ենք մեր գյուղը: Պատերազմն ավարտվելուն պես՝ գյուղացիները հայրենիքի կանչով վերադարձել են իրենց տները: Տեղահանված մեր հայրենակիցներին սիրով ենք ընդունել։ Հաստատվել է 4 ընտանիք. ևս 3 ընտանիքի կարող ենք ընդունել, բայց տները պետք է վերանորոգվեն: Այս ուսումնական տարում դպրոց է հաճախում 42 աշակերտ: Մանկապարտեզ չունենք, բայց մանկապարտեզի ենթակա 31 սան ունենք: Համայնքապետարանի ու բուժկետի շենքերը գտնվում են վատթար վիճակում: Ունենք վերանորոգված ու կահավորված հանդիսությունների սրահ: Գյուղամիջյան ճանապարհները խճապատվել են, իսկ առաջիկայում նախատեսվում է ասֆալտապատել: Գյուղն ապահովված է էլեկտրաէներգիայով, գազաֆիկացված չէ, սակայն անհրաժեշտությունը զգացվում է»,- ասաց Դ. Ազարյանը:

Նա նշեց, որ բարեբախտաբար գյուղը պատերազմի ընթացքում մարդկային կորուստ չի ունեցել: Գյուղացիները զբաղվում են հողագործությամբ, անասնապահությամբ ու գյուղատնտեսությամբ:

wp-apeth