«Լիվերպուլն»՝ անգլիայի չեմպիոն. Առաջինը Պրեմիեր լիգայում 30 տարի անց
«Լիվերպուլը» ժամանակից շուտ նվաճեց Անգլիայի Պրեմիեր լիգայի չեմպիոնական տիտղոսն այն բանից հետո, երբ «Մանչեսթեր Սիթին» ընթացիկ առաջնության 31-րդ տուրի շրջանակներում Լոնդոնում 2:1 հաշվով պարտվեց «Չելսիին»: «Մերսիսայդցիները» հռչակվեցին Անգլիայի չեմպիոն 30 տարի անց: Կայացած 31 տուրից հետո Յուրգեն Կլոպի գլխավորած թիմը, որն ակտիվում ունի 86 միավոր, առաջ է մոտակա հետապնդող «Սիթիից» 23 միավորով: Առաջնության ավարտին մնացել է 7 տուր, հետևաբար «Քաղաքայինները» այլևս նույնիսկ տեսական հնարավորություն չունեն մրցակցին հասնելու համար:
Հատկանշական է, որ «Լիվերպուլը» վերջին անգամ Անգլիայի չեմպիոն դարձել է 1990 թվականին: Պատմության ընթացքում «Կարմիրները» նման հաջողության հասել են 19 անգամ՝ (1900/01, 1905/06, 1921/22, 1922/23, 1946/47, 1963/64, 1965/66, 1972/73, 1975/76, 1976/77, 1978/79, 1979/80, 1981/82, 1982/83, 1983/84, 1985/86, 1987/88, 1989/90, 2019/2020): Հավելենք, որ Պրեմիեր լիգայի պատմության մեջ՝ սկսած 1991 թվականից «Լիվերպուլն» առաջին անգամ է հասնում նման հաջողության:
