Բարձրագույն խումբ. «Շիրակն» երկրորդ տեղում է. 23-րդ տուրի ամփոփումը

17.06.2020

Բարձրագույն խմբի ընթացիկ առաջնության 23-րդ տուրի առաջին խաղում առաջատար «Արարատ-Արմենիան» մրցակցի հարկի տակ ոչ-ոքի խաղաց «Նոայի» հետ ու հնարավորություն տվեց մոտակա հետապնդողներին կրճատել միավորների տարբերությունը: Դա հաջողվեց անել միայն Գյումրու «Շիրակին», որը սկզբունքային մրցավեճում կարողացավ հաղթել Երևանի «Ալաշկերտին» վերջինիս հարկի տակ: Վանաձորի «Լոռին» իր հերթին Երևանում չկարողացավ ուժեղ գտնվել «Արարատից»: Կայացած 23 տուրից հետո մրցաշարային աղյուսակը շարունակում է գլխավորել գործող չեմպիոն «Արարատ-Արմենիան», որն ակտիվում ունի 45 միավոր: Նրանից վեց միավոր պակաս է վաստակել երկրորդ տեղում գտնվող «Շիրակը», «Ալաշկերտը» երրորդ հորիոնականում է՝ վաստակած 37 միավորով, չորրորդ տեղում հանգրվանել է «Լոռին»՝ ակտիվում ունենալով 36 միավոր: «Նոան» հինգերորդ տեղում է, իսկ վեցնյակն եզրափակում է «Արարատը»: Նկատենք, որ հաշվետու տուրի խաղում որակազրկման պատճառով տեխնիկական գոտուց իր թիմին չէր օգում «Արարատ-Արմենիայի» գլխավոր մարզիչ Վարդան Մինասյանը, իսկ «Շիրակի» գլխավոր մարզիչ Վարդան Բիչախչյանը նշված պաշտոնում անցկացրեց իր 300-րդ հանդիպումը:

Մրցաշարային Աղյուսակ / եզրափակիչ խումբ

N	ԹԻՄ	Խ	Հ	Ո	Պ	Գ			Մ
1	ԱՐԱՐԱՏ-ԱՐՄԵՆԻԱ	23	13	6	4	41	—	20	45
2	ՇԻՐԱԿ	23	11	6	6	33	—	21	39
3	ԱԼԱՇԿԵՐՏ	23	11	4	8	39	—	26	37
4	ԼՈՌԻ	23	9	9	5	31	—	25	36
5	ՆՈԱ	23	10	6	7	29	—	24	36
6	ԱՐԱՐԱՏ	23	9	6	8	29	—	27	33

Հաշվետու տուրում կրկին աչքի ընկավ առաջնության լավագույն ռմբարկու, «Շիրակի» հարձակվող Մորի Կոնեն՝ խփելով իր 18-րդ գոլը:

Լավագույն ռմբարկուները

N		Ֆուտբոլիստ	Գոլեր
01	—	Մորի Կոնե (Շիրակ)	18
02	—	Գուստավո Մարմենտինի Դոս Սանթոս (Ալաշկերտ)	10
03	—	Ջոնել Դեսիրե (Լոռի ՖԱ)	10
04	—	Դենիս Մահմուդով (Փյունիկ)	9
05	—	Մաքսիմ Մայրովիչ (Նոա)	9
06	—	Մաիլսոն Լիմա Դուարտե Լոպես (Արարատ-Արմենիա)	8
07	—	Ալեքսանդար Գլիշիչ (Ալաշկերտ)	7
08	—	Եվգենի Կոբզար (ՈՒրարտու)	7
09	—	Ռամազան Իսաև (Արարատ)	7
10	—	Արթուր Միրանյան (Փյունիկ)	6

Հաջորդ՝ 24-րդ տուրում «Շիրակը» կենտրոնական խաղում սեփական դաշտում կընդունի «Արարատ-Արմենիային»: Նույն օրը Երևանի «Նաիրի» մարզադաշտում կմրցեն «Նոան» ու «Լոռին»: Նշված խաղերը կկայանան խաղային առաջին օրը, իսկ խաղային երկրորդ օրը կկայանա «Արարատ» — «Ալաշկերտ» հանդիպումը:

Տուր 24				Քաղաք	Մարզադաշտ
21.06.20	Արարատ	—	Ալաշկերտ	Երևան	Ավանի ֆ/ա	19:30
20.06.20	Շիրակ	—	Ար.-Արմենիա	Գյումրի	Քաղաքային	17:30
20.06.20	Նոա	—	Լոռի ՖԱ	Երևան	«Նաիրի»	17:30

Բարձրագույն խմբի ընթացիկ առաջնության 23-րդ տուրում անցումային խմբի շրջանակներում «Գանձասար-Կապանը» մրցեց Երևանի «Ուրարտուի» հետ, խաղն ավարտվեց 1:1 հաշվով: Կապանյան թիմին չհաջողվեց հաղթել ու առաջ անցնել «Փյունիկից»: Վերջիններիս այժմ միմյանցից բաժանում է մեկ միավոր: Աղյուսակը գլխավորում է «Ուրարտուն»՝ վաստակած 30 միավորով: