Հայաստանը շախմատի կանանց Եվրոպայի առաջնությանը կունենա 6 մասնակից

Շախմատի Եվրոպայի կանանց անհատական առաջնությանը Հայաստանը կունենա 6 մասնակից: «Արմենպրեսի» հաղորդմամբ` մարտի 17-ից 30-ը Չեռնոգորիայի Պետրովաց քաղաքում կանցկացվի շախմատի Եվրոպայի կանանց 23-րդ անհատական առաջնությունը: Հայաստանը կներկայացնեն Էլինա Դանիելյանը, Լիլիթ Մկրտչյանը, Աննա Սարգսյանը, Մարիամ Մկրտչյանը, Սուսաննա Գաբոյանը և Պոլինա Կոբակը: Առաջնությանը մասնակցելու են 35 երկրների 140 շախմատիստուհիներ: