Հրդեհ ավտոմեքենայում (տեսանյութ)

ԱԻՆ-ից հայտնում են, որ հունիսի 8-ին, ժամը 06:57-ին Ճգնաժամային կառավարման ազգային կենտրոն ահազանգ է ստացվել, որ Երևանի Կոմիտասի պողոտայի թիվ 27 շենքի մոտակայքում այրվում է ավտոմեքենա։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ: Հրդեհը մեկուսացվել է ժամը 07։19-ին, մարվել՝ 07։26-ին։ Այրվել է «Toyota Camry» մակնիշի ավտոմեքենայի շարժիչի հատվածը։

• Հրդեհ ավտոտնակում. տուժածներ չկան

ԱԻՆ-ից նաև հայտնում են, ր հունիսի 8-ին, ժամը 03:34-ին Ճգնաժամային կառավարման ազգային կենտրոն ահազանգ է ստացվել, որ Երևանի Գալշոյան փողոցի թիվ 18 շենքի մոտակայքում այրվում է ավտոտնակ։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:

Պարզվել է, որ հրդեհը բռնկվել է Լուսիկ Շ․-ին պատկանող ավտոտնակում։ Հրդեհը մեկուսացվել է ժամը 03։57-ին, մարվել՝ 04։03-ին։ Այրվել է ավտոտնակում կայանած «Nissan Latio» մակնիշի ավտոմեքենայի շարժիչը։