«Արարատը» հաղթեց Գյումրիում. Թիմը կխաղա «Շլյոնսկի» հետ

Կոնֆերենցիաների լիգայի խաղարկության որակավորման առաջին փուլի պատասխան խաղում Երևանի «Արարատը» Գյումրիում ընդունեց հունգարական «Ֆեհերվարին», երկու անպատասխան գոլ խփեց, հաղթեց ու անցավ հաջորդ փուլ: Գոլերը խփեցին Պոբուլիչն ու Սիլուեն: Հիշեցնենք, որ առաջին խաղն ավարտվել էր 1:1 հաշվով:

Կոնֆերենցիաների գավաթի խաղարկության որակավորման երկրորդ փուլում Արարատի մրցակիցը կլինի լեհական Վրոցլավ քաղաքի «Շլյոնսկ» թիմը։ Առաջին փուլում «Շլյոնսկն» ընդհանուր 4։1 (2։0, 2։1) հաշվով հաղթել է էստոնական «Պաիդեին»։ Լեհաստանի անցած առաջնությունում թիմը չորրորդ տեղն է զբաղեցրել։ Այստեղ է հանդես գալիս «Գանձասարի» նախկին ֆուտբոլիստ Լուբամբո Մուսոնդան։