Ամարասում բարեկարգման աշխատանքներ են իրականացվում
Ամարասի վանական համալիրում բարեկարգման աշխատանքներ են իրականացվում: Այս մասին «Արցախպրեսի» թղթակցի հետ զրույցում ասել է Մարտունու շրջվարչակազմի աշխատակազմի քաղաքաշինության և տեղական ինքնակառավարման բաժնի պետ Ալեքսանդր Սաղյանը: «ԼՈւՅՍ» հիմնադրամի կողմից Ամարասի վանական համալիրի վերականգնման ծրագիրը սկսվել էր մինչ 2020թ. պատերազմը: Այժմ աշխատանքներն իրականացվում են առաջանցիկ տեմպերով: Այս օրերին մեկնարկել է ծրագրի երկրորդ փուլը, որը նախատեսվում է ավարտին հասցնել 2021թ.-ի դեկտեմբերին: Աշխատանքներն իրականացվում են ՀՀ պատմական հուշարձանների ճարտարապետների հայկական ասոցիացիայի վարչության անդամ Մանուշակ Տիտանյանի կողմից տարիների ընթացքում կազմված և Արցախի կառավարության համապատասխան հանձնաժողովի կողմից հաստատված նախագծերի հիման վրա»,- նշել է Ա. Սաղյանը:
