Արտակ Թորոսյանը նվաճեց բրոնզե մեդալ
Ձյուդոյի Հայաստանի պատանիների հավաքականը գլխավոր մարզիչ Հովհաննես Դավթյանի և ավագ մարզիչ Գոռ Հարությունյանի գլխավորությամբ Լատվիայի մայրաքաղաք Ռիգայում մասնակցում է Եվրոպայի առաջնությանը: Մրցումների երկրորդ օրը 66 կգ քաշային կարգում հանդես եկող, Երևանի օլիմպիական հերթափոխի պետական մարզական քոլեջի սան Արտակ Թորոսյանը (անձնական մարզիչ Վահե Թորոսյան), տանելով 4 հաղթանակ, գրավեց 3-րդ մրցանակային տեղը և նվաճեց բրոնզե մեդալ:
Հավելենք, որ մինչև մրցավայր մեկնելը ձյուդոյիստներն ուսումնամարզական հավաք են անցկացրել Վրաստանի Գորի քաղաքում, որտեղից էլ մեկնել են Լատվիա հետևյալ կազմով՝
- Ադամյան Էլիզա
- Մանուկյան Գեղամ
- Աղասյան Դավիթ
- Աղասյան Վահե
- Թորոսյան Արտակ
- Խումարյան Ալբերտ
- Հարությունյան Անդրեաս
- Կարապետյան Գոռ
- Սաղաթելյան Էրիկ
