Կառավարությունը նպատակ ունի 5 տարում նվազագույն աշխատավարձը հասցնել 85 հազար դրամի

Կառավարությունը նպատակ ունի 5 տարում նվազագույն աշխատավարձը հասցնել 85 հազար դրամի

Վարչապետ Նիկոլ Փաշինյանը ներկայացրել է մինչև 2026 թվականը Կառավարության տնտեսական և սոցիալական ապահովության ոլորտի  թիրախները: Ինչպես տեղեկացնում է «Արմենպրեսը», վարչապետը նշել է, որ մինչև 2026 թվականը Կառավարության տնտեսական թիրախն այն է, որ ՀՆԱ-ի տարեկան միջին աճի նվազագույն մակարդակի աճը պետք է կազմի 7 տոկոս, բարենպաստ արտաքին տնտեսական պայմաններում` 9 տոկոս:

«Մեր թիրախներն են նաև ֆորմալ հատվածի ոչ պետական ոլորտի աշխատավարձի և դրան հավասարեցված այլ վճարումների ֆոնդը ՀՆԱ-ի 25 տոկոսի հասնելը, ինչպես նաև 10 տոկոսից ցածր գործազրկության մակարդակ ապահովելը»,- ասել է Փաշինյանը:

Անդրադառնալով քաղաքացիների սոցիալական ապահովության խնդիրներին` վարչապետն ասաց, որ հետևյալ թիրախներն են մատնանշվել. նվազագույն կենսաթոշակի և կենսաթոշակի միջին չափերը հավասարեցնել պարենային և սպառողական զամբյուղների արժեքներին, նվազագույն աշխատավարձը սահմանել 85 հազար դրամ, վերացնել ծայրահեղ աղքատությունը:

wp-apeth