Սղնախի ու ևս 3 գյուղի տեղահանված բնակիչների համար Արցախում նոր գյուղ է կառուցվում

Արցախի Ասկերանի շրջանի Աստղաշեն գյուղի հարևանությամբ ամբողջությամբ նոր գյուղ է կառուցվում։ Շինարարության ավարտից հետո այդտեղ հիմնականում բնակություն կհաստատեն պատերազմի հետևանքով Ադրբեջանի վերահսկողության տակ անցած Սղնախ գյուղի բնակիչները։ Կառուցվող գյուղում տներ կհատկացվեն նաև Սղնախի հարևանությամբ գտնվող Ջրաղացներ, Մադաթաշեն և Մոշխմհատ գյուղերի՝ տները կորցրած գյուղացիներին, փոխանցում է hetq.am-ը: