Հրդեհի մասին հերթական հաղորդումն է ստացվել
ՆԳՆ ԱԻ պետական ծառայության ճգնաժամային կառավարման կենտրոնում այսօր ստացվել է հրդեհի մասին հերթական ահազանգը Ստեփանակերտի Մ.Գոշ 7ա շենքի (ուսանողական հանրակացարան) բնակելի տան խոհանոցում բռնկված հրդեհի մասին:
Դեպքի վայր է մեկնել հրշեջ փրկարարական մեկ մարտական հաշվարկ: Պարզվել է, որ տան խոհանոցում գազի բալոնից տեղի է ունեցել արտահոսք՝ հրդեհի բռնկմամբ։ Հրշեջները ձեռքի միջոցներով մարել են կրակը և կանխել դրա տարածումը: Մասնակի ջերմահարվել է խոհանոցից պատշգամբ տանող դուռը և մեկ գազի բալոն: Տուժածներ չկան:
Միացեք «Հինգշաբթի» անկախ լրատվական հարթակի տելեգրամի ալիքին https://t.me/hingshabti