Արոնյանը Opera Euro Rapid մրցաշարում առայժմ 5-րդն է

Արոնյանը Opera Euro Rapid մրցաշարում առայժմ 5-րդն է

Հայկական շախմատի առաջատար Լևոն Արոնյանը բարելավել է դիրքը Champions Chess Tour-ի Opera Euro Rapid արագ շախմատի առցանց մրցաշարի մրցաշարային աղյուսակում:

Արագ շախմատի առցանց մրցաշարում գրոմայստերներն անցկացրեցին ևս 5 պարտիա: Արոնյանը երկու խաղ ավարտեց հաղթանակով, երկուսը` ոչ-ոքի և մեկում պարտություն կրեց: 10 հնարավորից հավաքելով 5,5 միավոր հայ գրոսմայստերն այժմ մրցաշարային աղյուսակում 5-րդն է: Առաջատարն կրկին աշխարհի գործող չեմպիոն Մագնուս Կարլսենն է: Նորվեգացին ունի 7 միավոր:

Champions Chess Tour-ի Opera Euro Rapid արագ շախմատի առցանց մրցաշարի մրցանակային ֆոնդը ընդհանուր առմամբ կազմում է 100,000 ԱՄՆ դոլար, որից 30 հազարը նախատեսված է առաջին տեղի համար:

Միացեք «Հինգշաբթի» անկախ լրատվական հարթակի տելեգրամի ալիքին 👉 https://t.me/hingshabti

wp-apeth