Բացահայտել են հանցագործության 74 դեպք, որից 13-ը՝ նախկինում կատարված

Ըստ ոստիկանության օպերատիվ հաղորդագրությունների ամփոփագրերի` հունվարի 25-ից 26-ը Հայաստանի Հանրապետության ոստիկանության ստորաբաժանումները բացահայտել են հանցագործության 74 դեպք, որից 13-ը՝ նախկինում կատարված, հայտնում են ոստիկանության լրատվական բաժնից:

Մասնավորապես՝ խարդախության` 19, անձնական ունեցվածքի գողության՝ 17, մարմնական վնասվածք պատճառելու՝ 7, ընտանեկան բռնության՝ 4, գույքը դիտավորությամբ վնասելու և թմրամիջոցի հայտնաբերման՝ 2-ական, կողոպուտի, բնակարանային գողության, հարկերից խուսափելու, զենք-զինամթերքի առգրավման, խուլիգանության, բռնության կոչեր հրապարակելու, ահաբեկչության մասին սուտ հաղորդում տալու, ծնողի կամ այլ մերձավոր ազգականի և երեխայի միջև տեսակցության իրականացմանը խոչընդոտելու, բնակարանի անձեռնմխելիությունը խախտելու և ինքնավնասման՝ 1-ական դեպք։

• Հայտնաբերվել է 1 հետախուզվող։ Կամավոր ներկայացել է 1 հետախուզվող։
• Գրանցվել է զենք-զինամթերքի կամավոր հանձնման 1 դեպք։

Նախկինում կատարված հանցագործություններից բացահայտվել է անձնական ունեցվածքի գողության՝ 7, բնակարանային գողության՝ 4, խարդախության և կողոպուտի 1-ական դեպք։

Միացեք «Հինգշաբթի» անկախ լրատվական հարթակի տելեգրամի ալիքին  https://t.me/hingshabti