Թուրք-ռուսական մշտադիտարկման կենտրոնն Աղդամում կլինի. Թուրքիայի ԱԳՆ

Արցախում ռուս-թուրքական համատեղ դիտարկման կետը կլինի այն վայրում, որտեղ կնշի Ադրբեջանը, այդպես է նշված կենտրոնի ստեղծման մասին ռուս-թուրքական համաձայնագրում։ Մշտադիտարկման կենտրոնը Աղդամում (Ակնա), այդ շրջաններում կլինի։ Այս մասին այսօր ուղիղ եթերում հայտարարել է Թուրքիայի արտգործնախարար Մևլյութ Չավուշօղլունլ հայտնում է Ռազմինֆոն:

Թուրք նախարարը հայտարարել է նաև, թե «Թուրքիա-Հայաստան սահմանի բացումը օգտակար կլինի նաև հայ ժողովրդի համար, կնպաստի առևտրի սկսվելուն․․․։ Հատկապես Թուրքիայի և Ադրբեջանի հետ փակ սահմանները Հայաստանի տնտեսությանն էլ են շատ վնասել»։

Հիշեցնենք, որ նոյեմբերի 10-ին ՀՀ, Ադրբեջանի և ՌԴ ղեկավարների միջև ստորագրված եռակողմ հայտարարության հաջորդ օրը ստորագրվեց ռուս-թուրքական համաձայնագիր, ըստ որի Արցախում հրադադարի ռեժիմի պահպանման մշտադիտարկման համար պետք է ստեղծվեր ռուս-թուրքական համատեղ կենտրոն։

Թուրքիան հայտարարում էր, որ այն լինելու է «Ադրբեջանի՝ օկուպացիայից ազատագրված տարածքներում», իսկ ՌԴ-ն, կարծես հերքելով թուրքական կողմի հայտարարությունը, պնդում էր, թե այն «լինելու է Ադրբեջանի տարածքում»։

Նշենք, որ Աղդամը, Քարվաճառի և Քաշաթաղի շրջանների հետ միասին, նոյեմբերի 10-ի եռակողմ հայտարարությամբ հանձնվել է Ադրբեջանին։

Ավելի վաղ Թուրքիայի ՊՆ կայքից հայտնի էր դարձել, որ Թուրքիայի զինված ուժերի ականազերծման հատուկ թիմի 136-հոգանոց անձնակազմը ժամանել է Ադրբեջան՝ Արցախում ականազերծման և ինքնաշեն պայթուցիկներից մաքրման աշխատանքներում Ադրբեջանի բանակին օգնելու համար։ Նշվում է, որ թուրք անձնակազմը զբաղվելու է նաև Ադրբեջանի ԶՈւ սակրավորների վերապատրաստմամբ։

Kahraman Azerbaycan Ordusu’nun işgalden kurtardığı Karabağ’daki mayınlı arazilerin temizliği için Kara Kuvvetlerimizin Özel Mayın Arama Temizleme (ÖMAT) timlerinde görevli 136 personel, Azerbaycan’a intikal ederek göreve başladı.https://t.co/c5HIzTXL17#MSB #TSK pic.twitter.com/TjxrZI9OMG

— T.C. Millî Savunma Bakanlığı (@tcsavunma) December 16, 2020

Միացեք «Հինգշաբթի» անկախ լրատվական հարթակի տելեգրամի ալիքին  https://t.me/hingshabti