Արգիշտի Քյարամյանն ազատվել է ԱԱԾ տնօրենի պաշտոնից, նշանակվել է նոր ղեկավար

Արգիշտի Քյարամյանն ազատվել է ԱԱԾ տնօրենի պաշտոնից, նշանակվել է նոր ղեկավար

Հոկտեմբերի 8-ին ՀՀ նախագահ Արմեն Սարգսյանի հրամանագրով Ազգային անվտանգության տնօրեն (ԱԱԾ) Արգիշտի Քյարամյանն ազատվել է պաշտոնից։ Տնօրենի ԺՊ է նշանակվել նախկին տեղակալ Միքայել Համբարձումյանը։ Որոշումները (12) տեղադրված են նախագահի պաշտոնական կայքում։

«Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Ազգային անվտանգության մարմինների մասին» օրենքի 4.1-ին հոդվածի 1-ին մասի.
Արգիշտի ՔՅԱՐԱՄՅԱՆԻՆ ազատել Հայաստանի Հանրապետության ազգային անվտանգության ծառայության տնօրենի պաշտոնից»,-նշված է նախագահի հրամանագրում:

«Հիմք ընդունելով վարչապետի առաջարկությունը` համաձայն Սահմանադրության 139-րդ հոդվածի 1-ին մասի, ինչպես նաև «Ազգային անվտանգության մարմիններում ծառայության մասին» օրենքի 23-րդ հոդվածի 1-ին և 3-րդ մասերի.
Միքայել ՀԱՄԲԱՐՁՈՒՄՅԱՆԻՆ նշանակել Հայաստանի Հանրապետության ազգային անվտանգության ծառայության տնօրենի պարտականությունների ժամանակավոր կատարող»,-նշված է նախագահի մյուս հրամանագրում:

wp-apeth