Շահառուները բուժօգնությունը կշարունակեն Սևանի հոգեկան առողջության կենտրոնում

Երեկ երեկոյան Ստեփանակերտի հոգեթմրաբանական դիսպանսերում ստացիոնար բժշկական օգնություն ստացող բոլոր քաղաքացիները տեղափոխվել են առողջապահության նախարարության ենթակայության տակ գտնվող Սևանի հոգեկան առողջության կենտրոն` հետագա բուժումը շարունակելու նպատակով:

Քաղաքացիների համար նախապես պատրաստվել են հիվանդանոցային բարենպաստ պայմաններ, համապատասխան դեղորայք և սնունդ:

Ներկայումս Սևանի հոգեկան առողջության կենտրոն տեղափոխված մի քանի տասնյակ քաղաքացի շարունակում է ստանալ պատշաճ բժշկական օգնություն: