Վարակի նոր դեպքեր. Նոր Զելանդիայում կրկին սահմանափակումներ են մտցրել
Նոր Զելանդիայի առողջապահության ոլորտի ներկայացուցիչները հայտարարել են, որ կորոնավիրուսային հիվանդության 13 նոր դեպք է գրանցվել, որից 12-ն Օքլենդում: Ի դեպ նշվում է, որ վարակվածները վերջին շրջանում չեն լքել շրջանը: Բոլորը կապ ունեն վերջերս բռնկված օջախի հետ, եղել են մտերիմ հարաբերությունների մեջ նախկինում վարակվածների հետ: Մյուս վարակվածն երեխա է, որը մեկուսացված է և գտնվում հսկողության տակ:
Համավարակի սկզբից Նոր Զելանդիայում գրանցվել է վարակման 1271 դեպք, հայտնում են առողջապահության ոլորտի ներկայացուցիչները: Ներկա պահին վարակված է 61 մարդ, որոնցից 49-ը վարակվել են տեղում, իսկ 20-ը ժամանել են արտասահմանից:
CNN-ի հաղորդման համաձայն՝ Օքլենդը, որն ունի 1,5 միլիոն բնակչություն վարակի բռնկման նոր կենտրոնն է: Քաղաքն ևս 12 օր կշարունակի մնալ մեկուսացման երրորդ աստիճանի տակ, մինչդեռ երկրի մնացած հատվածը շարունակում է մնալ սահմանափակումների երկրորդ աստիճանի տակ: Այսինքն թույլատրվում է մինչև 100 մարդով հավաքներ:
Հատկանշական է, որ սրանից ընդամենը հինգ օր առաջ Նոր Զելանդիայի հաղորդեցին, որ 100 օր վարակման դեպք չի գրանցվել երկրում: Մյուս կողմից պարզ է թերևս, թե ինչպես կարող է իրավիճակը կտրուկ փոխվել նույնիսկ այն երկրում, որը համարվում է առաջատարն աշխարհում վիրուսի դեմ պայքարում: