Բացահայտվել է հանցագործության 65 դեպք, որից 10-ը՝ նախկինում կատարված

Բացահայտվել է հանցագործության 65 դեպք, որից 10-ը՝ նախկինում կատարված

Ըստ ոստիկանության օպերատիվ հաղորդագրությունների ամփոփագրերի` հուլիսի 23-ից 24-ը Հայաստանի Հանրապետության ոստիկանության տարբեր ստորաբաժանումների կողմից բացահայտվել է հանցագործության 65 դեպք, որից 10-ը՝ նախկինում կատարված, հայտնում են ոստիկանության մամուլի ծառայությունից:

Մասնավորապես՝ անձնական ունեցվածքի գողության` 18, մարմնական վնասվածք հասցնելու՝ 10, խարդախության` 8, ծեծի, յուրացնելու կամ վատնելու և պաշտոնեական լիազորությունների չարաշահման՝ 3-ական, պետական-հասարակական ունեցվածքի գողության, թմրամիջոցի հայտնաբերման և սպանության սպառնալիքի՝ 2-ական, կողոպուտի, հարկերից խուսափելու, զենք-զինամթերքի առգրավման, համակարգչային հանցագործության, խուլիգանության, իշխանության ներկայացուցչի նկատմամբ բռնության, աշխատանքային պաշտպանության կանոնները խախտելու, 16 տարին չլրացած անձի հետ սեռական հարաբերություն ունենալու, ալիմենտ վճարելուց խուսափելու, ապրանքային նշանի ապօրինի օգտագործման, մշակումն արգելված թմրանյութեր պարունակող բույսեր ապօրինի աճեցնելու, պաշտոնեական լիազորություններն անցնելու, արհեստավարժ մարզամրցումների և հանդիսավոր առևտրային մրցույթների մասնակիցներին ու կազմակերպիչներին կաշառելու և ապօրինի կերպով զենք պահելու և թմրամիջոցի ապօրինի շրջանառությունը՝ առանց իրացնելու նպատակի՝ 1-ական դեպք։

  • Հայտնաբերվել է 1 հետախուզվող, կամավոր ներկայացել է 1-ը։
  • Գրանցվել է զենք-զինամթերքի կամավոր հանձնման 9 դեպք։

Նախկինում կատարված հանցագործություններից բացահայտվել է անձնական ունեցվածքի գողության՝ 7, մարմնական վնասվածք հասցնելու, խարդախության և պետական ունեցվածքի գողության 1-ական դեպք։ Անցած 1 օրվա ընթացքում հանրապետությունում արձանագրվել է ճանապարհատրանսպորտային 13 պատահար. 1 մարդ զոհվել է, 18-ը՝ ստացել տարբեր աստիճանի մարմնական վնասվածքներ:

wp-apeth