Չինարի գյուղում հայտնաբերած 122մմ տրամաչափի Դ֊30 հրետանային արկը վնասազերծել են
«Հումանիտար ականազերծման և փորձագիտական կենտրոնի» մասնագետները Տավուշի մարզում են՝ խաղաղ բնակավայրերի վրա արձակած, սակայն չպայթած արկեր և զինամթերք հայտնաբերելու և վնասազերծելու նպատակով։
Աշխատանքների ընթացքում Չինարի գյուղում գտել են 122մմ տրամաչափի Դ֊30 հրետանային արկ։ Այն տեղափոխվել է անվտանգ վայր և վնասազերծվել։ Աշխատանքներն այս տարածքում դեռ շարունակվում են։