Փաշինյանը խնդրում է ձեռնպահ մնալ բանակի համար որևէ գույք ձեռքբերելու նախաձեռնությունից

Փաշինյանը խնդրում է ձեռնպահ մնալ բանակի համար որևէ գույք ձեռքբերելու նախաձեռնությունից

Նիկոլ Փաշինյանը ֆեյսբուքի իր էջում գրառում է կատարել՝ խնդրելով ձեռնպահ մնալ բանակի համար որեւէ գույք ձեռքբերելու նախաձեռնությունից: Վարչապետը նշել է, որ գույքի համար ծախսվելիք գումարը պարզապես կարելի է փոխանցել Զինծառայողների ապահովագրության հիմնադրամին, որի գործունեությունը լիարժեք թափանցիկ է և գտնվում է օրենքով նախատեսված վերահսկողության ներքո:

«Սիրելի հայրենակիցներ, քանի որ այս օրերին բազմաթիվ նամակներ ենք ստանում, զանգեր, որոնց հեղինակ մեր հայրենակիցները հետաքրքրվում են, թե ինչպես կարող են մեր բանակին ֆինանսական աջակցություն ցուցաբերել, տեղեկացնում եմ, որ նման ցանկություն ունեցող մեր հայրենակիցները իրենց նվիրատվությունները կարող են փոխանցել Զինծառայողների ապահովագրության հիմնադրամին: Նվիրատվությունները կարելի է կատարել օնլայն եղանակով՝ ստորեւ հղված կայքի միջոցով:

Խնդրում եմ նաեւ ձեռնպահ մնալ բանակի համար որեւէ գույք ձեռքբերելու նախաձեռնությունից: Այդ գույքի համար ծախսվելիք գումարը պարզապես փոխանցեք Զինծառայողների ապահովագրության հիմնադրամին, որի գործունեությունը լիարժեք թափանցիկ է, եւ գտնվում է օրենքով նախատեսված վերահսկողության ներքո: Կանխավ շնորհակալություն»,- գրել է Փաշինյանը:

wp-apeth