ՀՀ ԶՈւ-ի կողմից խոցված ադրբեջանական «Elbit Hermes 900» ԱԹՍ-ն արժե շուրջ 30 միլիոն դոլար
ՀՀ ՊՆ մամուլի խոսնակ Շուշան Ստեփանյանը հրապարակել է նաև ադրբեջանական «Elbit Hermes 900» ԱԹՍ-ը խոցելու տեսանյութը: Ռազմինֆոն հայտնում է, որ սա շուրջ 30 մլն ԱՄՆ դոլար արժողությամբ, մարտավարական խոշոր անօդաչու սարք է, ընդ որում՝ այս տիպի ԱԹՍ-ի աշխարհում առաջին հայտնի խոցումն է:
Hermes-900-ը արտադրում է իսրայելական Elbit systems ընկերությունը: Ադրբեջանում դրանք տեղակայված են խորը թիկունքում և գտնվում են Ադրբեջանի պետական սահմանապահ ծառայության (ՊՍԾ) և ոչ թե բանակի հաշվեկշռին։ Սա կարող է վկայել, որ ընթացող գործողություններում Ադրբեջանի բանակից բացի ներգրավված է նաև ՊՍԾ-ն: Արբանյակային լուսանկարում ադրբեջանական Hermes-900 ԱԹՍ-ն է՝ Սանղաչալի ավիաբազայի թռիչքուղու վրա:
