Ադրբեջանի զինծառայողները Տավուշի ուղղությամբ սահմանային դիրքը գրավելու փորձ են արել

Պաշտպանության նախարարի մաուլի խոսնակ Շուշան Ստեփանյանը ֆեյսբուքի էջում գրել է, որ այսօր՝ ժամը 12:30-ի սահմաններում, Ադրբեջանի զինված ուժերի զինծառայողները, մեզ համար անհասկանալի պատճառով, ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ՈՒԱԶ մակնիշի ավտոմեքենան, վերադարձել են իրենց դիրք: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ կրելով, հետ շպրտվել: Ստեփանյանը հավելել է, որ հայկական կողմից կորուստներ չկան:

Ադրբեջանի պաշտպանության նախարարության պաշտոնական հաղորդագրության համաձայն իրենց բանակն երկու սպանված և հինգ վիրավոր ունի։