Պեկինում վաուչերներ են բաժանում առևտուր անելու համար

Պեկինում վաուչերներ են բաժանում առևտուր անելու համար

Պեկինի բնակիչները կստանան 12,2 միլիարդ յուան արժողությամբ սպառողական վաուչեր (մոտ 1,71 միլիարդ դոլար), որոնք նրանք կարող են ծախսել խանութներում, ռեստորաններում և սրճարաններում, ինչպես նաև զբոսաշրջության, կրթության և սպորտի ոլորտներում:

COVID-19 համաճարակի ընթացքում վաճառքը կտրուկ նվազել է: Երկրի իշխանությունները ձեռնարկել են նման միջոցներ՝ խնդիրը լուծելու համար:

Վաուչերների հանձնումն արդեն սկսվել է չինական JD.com առցանց առևտրային հարթակի միջոցով և իրականացվելու է չորս փուլով ՝ հունիսի 6-ին, 13-ին, 20-ին և 27-ին: Յուրաքանչյուր կտրոն գործում է 14 օրյա ժամկետում: Կտրոնները կարող են օգտագործվել ինչպես սովորական խանութներում, այնպես էլ ինտերնետում՝ զբոսաշրջության, կրթության, մշակույթի, սպորտի, սննդի և այլ ոլորտներում գնումներ կատարելու համար: Պեկինում չորս ամիսների մանրածախ վաճառքը նախորդ տարվա համեմատ նվազել է 20,4%-ով և կազմել 369,34 մլրդ յուան (մոտ 51,93 միլիարդ դոլար):

wp-apeth