Արցախի ՊԲ-ն իրականացնում է պատժիչ գործողություններ (տեսանյութ)

Արցախի պաշտպանության նախարարությունը տեղեկացնում է, որ առաջնագծի ողջ երկայնքով մարտերը շարունակվում են:

ԱՀ ՊՆ-ից հայտնում են, որ Պաշտպանության բանակի առաջապահ ստորաբաժանումները, ադրբեջանական զինուժի առաջխաղացումը կասեցնելու համար, հաջողությամբ իրականացնում են պատժիչ գործողություններ՝ հակառակորդին պատճառելով կենդանի ուժի և զինտեխնիկայի կորուստներ:

ՀՀ ՊՆ մամուլի խոսնակ Շուշան Ստեփանյանը ֆեյսբուքի իր էջում հայտնել էր, որ արցախա-ադրբեջանական հակամարտ զորքերի շփման գծի ողջ երկայնքով Ադրբեջանի զինուժի ձեռնարկած գրոհները ՊԲ ստորաբաժանումների կողմից հաջողությամբ հետ են մղվում։ Հակառակորդն ունի կորուստներ։