Գյումրիում քննարկել են մանկապարտեզների հնարավոր վերաբացումից հետո աշխատանքների կազմակերպմանն առնչվող մի շարք հարցեր
Գյումրու համայնքապետարանի կրթության բաժնի պետ ժ/պ Շողիկ Ալեքսանյանն օգոստոսի 24-ին աշխատանքային խորհրդակցություն է անցկացրել համայնքային ենթակայության մանկապարտեզների տնօրենների հետ: Խորհրդակցության ընթացքում քննարկվել են պարետի որոշմամբ տվյալ կառույցների հնարավոր վերաբացումից հետո աշխատանքների կազմակերպմանն առնչվող մի շարք հարցեր: Շողիկ Ալեքսանյանն առանձին-առանձին անդրադարձել է յուրաքանչյուր կառույցի, տնօրեններից հետաքրքրվել հուզող հարցերի ու խնդիրների մասին: Վերը նշված կառույցների ղեկավարների կողմից առաջ են քաշվել մի շարք հարցեր, որոնք քննարկվել են տեղում:
