«Արտաշատի» ԲԿ-ն ամփոփել է կորոնավիրուսային հիվանդության դեմ պայքարում կատարած աշխատանքները:
Արարատի մարզի «Արտաշատի բժշկական կենտրոն» ՓԲԸ-ն 01․04․2020թ․-ից՝ նոր կորոնավիրուսային հիվանդության (COVID-19) դեմ պայքարում, վերապրոֆիլավորվեց ինֆեկցիոն հիվանդանոցի, և այդ կարգավիճակում աշխատեց մինչև 16․08․2020թ։
Այդ ընթացքում հիվանդանոց են ընդունվել 1201 հիվանդ, որոնք եղել են ինչպես Արարատի մարզից, այնպես էլ՝ ՀՀ այլ մարզերից և Երևանից
- 1094 հիվանդ հիվանդանոցից դուրս է գրվել առողջացած
- 72 հիվանդներ տեղափոխվել են այլ բժշկական կենտրոններ
- 35 հիվանդ մահացել է
Հիվանդանոցը հագեցվել է նոր ժամանակակից սարքավորումներով, գույքով և պարագաներով։ Վերապրոֆիլավորվելուց հետո ձեռք է բերվել բժշկական թթվածնային կենտրոնացված համակարգ, 37 հատ թթվածնային խտացուցիչ, 9 հատ SIPAP սարք, 20 հատ «Բոբրովի» թթվածնի խոնավացուցիչ, 3 հատ մոնիտոր, 2 հատ թթվածնի արհեստական օդափոխության սարք։
2020թ.-ի հունիսի 9-ին «Վեդու ԲԿ» ՓԲԸ-ի ստացիոնար օղակը վերապրոֆիլավորվեց ինֆեկցիոն հիվանդանոցի
Այս ընթացքում «Վեդու ԲԿ»-ում կատարվել է
- 934 ՊՇՌ տեստավորում, որից 516-ը՝ դրական, 418-ը՝ բացասական
- Տվյալ պահին ամբուլատոր օղակի կողմից հսկվում է COVI19-ով վարակված 25 հիվանդՄինչև հուլիսի 31-ը բուժում են ստացել 289 հիվանդ, որից 133-ը՝ ծանր դեպք, 1 հիվանդ մահացել է
- Բուժվողներից 221-ը եղել են Արարատի մարզից, իսկ մնացածը՝ այլ մարզերից և Երևանից:
Ավելի վաղ վերջին 6 ամիսների ընթացքում կատարված աշխատանքներն ու փոփոխություններն էր ներկայացրել «Նորք» ինֆեկցիոն կլինիկական հիվանդանոցը:
- 1. Շուրջ 11.000 պացիենտների բուժսպասարկում, ներառյալ 9000 հոգի ստացիոնար պայմաններում բուժվածներ և բուժվողներ, 2000-ը ամբուլատոր։
- 2. Նոր աշխատատեղերի ստեղծում։
- 3. Հիվանդանոցի շենքային, գույքային համալրում, վերազինում և բարեկարգում։
- 4. Մոդուլային հիվանդասենյակների կառուցում։
- 5. Մահճակալային ֆոնդի և թոքերի արհեստական շնչառության սարքերի զգալի թվով համալրում։
- 6. Ճառագայթային ախտորոշման բաժանմունքի համալրում ՀՇ- հետազոտության սարքով, և ՀՇ հետազոտության լայնածավալ իրականացում։
- 7. Թթվածնային կայանի կառուցում, հիվանդանոցի ընդհանուր հոսանքի ցանցի վերափոխում, բժշկական սարքավորումների համալրում։
- 8. Բաժանմունքների հիմնանորոգում, սանիտարահամաճարակաբանական նորմերին համապատասխան հիվանդասենյակների ավելացում։